Isaya 55:2 - Bhibhiliya Nya Guage

² Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Isaya 55:2 Iomraidhean Croise

Dzindzimo 22:26

Sisiwana si na hodza si khura; avo va vbwetago Pfhumu Nungungulu, va na mu rungudza. Myonyo yawe yi na vbanye kala gupindruga.

Dzindzimo 34:11

Vanavangu deluni muta nyi yingisa; eni nyi na mi hevbudzani githawo ga pfhumu Nungungulu.

Dzindzimo 36:8

Avo va ngupwa gukhura khu manonwa ya nyumbani gwago, u va sedza mati nya gutshambe ya namboni gwago.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Mavingu 1:33

Aholu uye a nyi yingisago, a na vbanya gurulani na tiyide nyambana hwanga, a si thavi gilo.”

Mavingu 7:23

Kala gighalala gi hekha libindri laye, nga ginyoni gi belago gikayelani, gi si dziti gu khigyo gi na mbembisa hefemulo wagyo.

Mavingu 8:32

Vanavangu, olu, nyi yingiseni, mupwa esi: Kholu va na bani va kategide vale va na gulandrisago dzindzila dzangu.

Mavingu 9:5

“Deluni mu ta hodza guhodza gwangu ni gu selani wadwa nyi dongisedego.

Muhevbudzi 6:2

Muthu nya gukari, a ningidwego khu Nungungulu thomba nya gutale, bwelo khavbo a mu ninga guzundzega, a ningidwe satshavbo a nga bani a gu si dilela. Aholu Nungungulu kha gola gukhuye a si hodza ni gu si thumisa, si di ta hodzwa khu nombo, muthu wa mambe mayigo a vbedza satshavbo. Ogu nugo gu dzi pfhadza gu vbisago ngudzu.

Isaya 1:19

Mwa gu bani mu dzi emisede gu nyi yingisa, mu na hodza nya sadi sa tigoni momu.

Isaya 10:27

Khu litshigu lolo, wu na duswa rwalo wu lemelago magatani gwago, ni kanga wu lemelago thamoni gwago, kanga wu na fanyeledzedwago khu kotani nya olu nyi gu todzidego khu mafura.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Isaya 46:6

Vathu va gu dusa ndralama borisani ni gu pima ndrengo nya parata musikaloni; va gu thola mupfhuli nya ndralama gukhavo a va girele nungungulu gasi va mu khidzimela va kuha mafu khu khovbe, va mu khozela.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Isaya 51:4

Nyi yingiseni, enu vathu vangu ni uwe litigo langu! Upwani esi nyi vbwetago gu mi embela: Khavbo gwangu gu na duga nayo, gululama gwangu gu na bani guri wenengedzo nya mayigo.

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 62:9

Aholu, avo va vbwerago tirigu, va na hodza na va bonga Pfhumu Nungungulu; ni avo va havelago dziuvha, va na sela wadwa makupakupani nya nyumba yangu nya guage.”

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 17:24

Pfhumu Nungungulu a ngu ganela, khuye: Mwa gu nyi yingisa khu lisine, kha mu na rwala mirwalo nya gulemele mu vbindra nayo khu dzinyangwani dza dhoropani momu khu litshigu nya Sabhadho, aholu mu na ninga githawo litshigu nya Sabhadho, mu li agisa nyamba thuma gilo.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Matewu 22:4

A di ruma nyaluphye simbe sithumi, a si embela, khuye: ‘Indrani muya va tivisa, khenu: Guhodza gu vidzidwe; nyi songetede dzimombe dzangu ni sifuyo nya gunone; satshavbo si dongisedwe. Deluni buzotunu.’

Matewu 5:6

Va kategide vale va gu ni ndzala ni lidora nya ndruda, kholu va na khuriswa.

Marko 7:14

A di rana nyaluphye gidzemo, a gi embela, khuye: “Nyi yingiseni mwatshavbo gasi mu si mane gwadi esi nyi vbwetago gu mi embela!

Luka 15:23

Resani gimombyana nya gunone muta gi songa, hi hodza, hi nengela,

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Varoma 10:17

Kharati, gukhodwa gwa guta khu gupwa mahungu hi tiviswago, gutivisa gwa guta khu mahungu ya Kristo.

Varoma 9:31

Gasi Vajudha, va nga bani va gu landrisa Nayo, wu nga vbweta gu va gira vathu nya gululame mbeli gwa Nungungulu, va tandregide.

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.