Isaya 53:8 - Bhibhiliya Nya Guage

⁸ A di modwa khu dzihanyi a lamudwa, a di duswa mafuni, khu mani a na sayago matshigu nya guvbanye gwaye? Kholu, a di duswa tigoni nya vathu nya guvbanye khu kotani nya sighoho sa vathu vangu.

Isaya 53:8 Iomraidhean Croise

Dzindzimo 69:12

Va gu ganela khu enu dzinyangwani nya lidhoropa, vamaleveni va gu nyi hega, va nyi poyila.

Dzindzimo 88:5

Nyi tshidwe vbakari nya vafi, khwatshi khu avo va nga songwa vbakari nya litunga, va keledwego, hi si va alakanyigo gambe, kholu va dusidwe mandzani gwago.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 53:5

Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Gililo 3:54

Hungoni gwangu gu di langaladzwa khu mati, kheni: “Yowe nyi fude!” Qof

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Mithumo 8:33

Gusaniswani gwaye kha lamudwa khu gululama. Mwalo a na gu dzi kodzago gu saya melego waye kholu womi waye wu fuvisidwe mafuni.”

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.