Isaya 53:7 - Bhibhiliya Nya Guage

⁷ Uye a di tshaniswa a pwiswa wuvi, aholu, a di dzi thesa vbavbatshi, nyamba tula likana; gu fanana ni nvuta yi yiswago gusongwatunu, ni nvuta yi degulago gikhati va yi gayago mawoya; uye nuye kha nga tula likana.

Isaya 53:7 Iomraidhean Croise

Dzindzimo 38:14

Nyi womo kha nga muthu nya mbapwa, oyu a gumba ninga phindrulo khu kanani gwaye.

Dzindzimo 38:15

Khu guralo, Pfhumu Nungungulu eni nya gu tumba uwe; khuwe u na gu ningago phindrulo, uwe Pfhumu Nungungulu wangu.

Dzindzimo 44:22

Aholu khu kotani nya gu gu haladze, hi ngu songetedwa matshigu yatshavbo, va hi gira kha nga dzinvuta nya guye gusindzwatunu.

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Mitengo 7:27

Gimombyana gimwegyo, hamba mweyo, ginvutana nya tanga nya mwaga moyo, gasi gu gira phaselo nya guvbiswe;

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Marko 14:61

Aholu, uye a di degula nyamba mu hakha. Muphasi nya khongolo a di wudzisa gambe, khuye: “Ina khuwe Mesiya, Mwamana wa Nungungulu nya Gurungudzwe, gani?”

Marko 15:5

Aholu Jesu kha nga hakha gilo. Avbo, Pilato a di liwuga ngudzu.

Luka 23:9

A di mu wudzisela silo nya singi, aholu Jesu kha nga mu phindrula gilo.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 19:9

A di bela gambe nyumbani nya gulamulele umo mahungu, a wudzisa Jesu, khuye: “Gasi wa guta khu hayi?” Aholu Jesu kha nga mu hakha.

1 Pedro 2:23

Gikhati a nga vadwago kha hakha khu guvala, gikhati a nga saniswa kha wugela muthu, aholu a di vega gutumba gwaye gwatshavbo ga Mulamuli wule nya lisine.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.