Isaya 53:5 - Bhibhiliya Nya Guage

⁵ Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

Isaya 53:5 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Joba 33:24

yi na mu pwela wusiwana yi embela Nungungulu, khiyo: Mu tshudzise a si thegeli phalani nya lufu nyi mane igyo nya gulivbe khigyo nandru waye.

Dzindzimo 30:2

Pfhumu Nungungulu wangu, eni nyi lide avbo gwago u nyi halawugisa.

Mavingu 20:30

Dzimbanga dza guhandza guvivba, ni dzipama dza gululamisa mapimo.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 57:18

Eni nyi wonide dzindzila dzawe, aholu nyi na va vbanyisa; gambe nyi na va gimbidzisa khu ndzila bwelo khavbo nyi va tangadzisa nyaluphye, ni vale va lilago.

Isaya 6:7

Yi di nyi pfodza likana khu ligala, yi nyi embela, khiyo: “Wona nya gukhuwe nyi khuhide sihofu sago; sighoho sago si handzidwe, sihoso sago si ditshedzidwe.”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

1 Vakorinto 15:3

Gilo nya guphele nyi di mi tivisa esi eni neni nyi nga hakhago: Kristo fude khu kota nya sighoho sathu kha nga edzi gu lovidwego khidzo omu nya Milowo nya Guage.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Dhewuteronome 11:2

Dzitini muhuno gukhenu kha nyi ganeli ni sanana sanu, (avo va gumba siti, va ngamba si wona iso mu nga hevbudzwago khu Pfhumu Nungungulu wanu,) wugulu waye, mandza yaye nya tshivba ni libogo laye nya gukhugege;

Vahebheru 10:10

Kha nga Jesu Kristo a giridego guhaladza gogo, ethu hi agisidwe sighoho sathu satshavbo, kotani nya mhamba a yi giridego gumogo basi, khu gu ningela givili gyaye.

Vahebheru 10:14

Khu magirelo yoyo, khu mhamba mweyo basi, Kristo agiside, va vbelela kala gupindruga, vale va nga handzwa sighoho.

Vahebheru 5:8

Ambari ulo a nga bani ari Mwamana wa Nungungulu hevbude gu yingela khu sisaniso a si manego.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.