Isaya 53:3 - Bhibhiliya Nya Guage

³ Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Isaya 53:3 Iomraidhean Croise

Dzindzimo 69:29

Gasi eni nyi vbisegago ni gutshaniseka, nyi wuse u nyi vbanyisa, uwe Nungungulu u gu wuthavelo wangu.

Dzindzimo 88:4

Nya gu sayedwa tengoni nya vafi, kholu nyi vbede tshivba.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Isaya 52:14

Kha nga idzo va nga samala khidzo nya vangi mbeli gwaye, kholu khovbe yaye yi di ghohekide guvbindra dzimbe dzikhovbe dza vathu, ni giemo gyaye guvbindra simbe siemo sa vambe vathu.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:4

Khu lisine, uye a di rwala sigaradzo sathu, ni gulemedwa khu wuvi wathu; ethu hi di mu wona kha nga muthu a tsayiswago, a bayiswago gumogo ni gu dayiswa khu Nungungulu.

Mikeya 5:1

Olu uwe nyamahegyane nya dzinyimbi, tombanisa mabutho nya dzinyimbi, va hi randrede khu malanga yatshavbo, va bayisa khu lipitso giwombo gya mulamuli wa Israyeli.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Matewu 26:67

Khavbo avbo, va di mu hetshela khovbeni ni gu mu veta mipama. Vambe va di mu veta sibhakela, na va gukhavo:

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Marko 10:33

“Wonani, olu hi ngu gwela, gu hongola Jerusalema, Mwamana wa Muthu a na ningedwa ga vakhongolo nya vaphasi nya mhamba, ni vahevbudzi nya Nayo, va na lamula gukhavo a na songwe, va na mu ningela mandzani ga va nya mayigo,

Marko 10:34

va na mu vala, va mu hetshela, va mu kwamula khu dzimboma, va hegisa khu gu mu songa. Aholu, khu litshigu nya wuraru a na wuga khu gufani.”

Marko 14:34

A di va embela, khuye: “Hefemulo wangu wu tade khu gutshaniseka nya gufe. Khalani avba mu nyi bangaladza.”

Marko 15:19

Va di mu veta hungoni khu sengele, va mu hetshela, va mu khidzimela ni gu dzi thesa migondroni gwaye.

Marko 9:12

Jesu a di va phindrula, khuye: “Khidzo. Eliya a na phela khuye ata gasi guta lulamisa silo satshavbo. Milowo gasi yari khiyo ginani khu Mwamana wa Muthu, khandri yari khiyo gu vbwetega a saniseka ngudzu ni gu nyenywa?

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye:

Luka 8:53

Kha nga ulo va nga bani va gu dziti nya gukhavo gyanana gi fude khu lisine, va di mu hega.

Luka 9:22

A di engedza gambe, khuye: “Mwamana wa Muthu a na ni fanelo nya gusaniseke ngudzu ni gu nyenywa khu madhota, ni vakhongolo nya vaphasi ni vahevbudzi nya Nayo. A na songwa, aholu khu litshigu nya wuraru a na wuga.”

Johane 11:35

Khavbo avbo, Jesu a di lila.

Johane 8:48

Vajudha va di mu hakha, khavo: “Khandridzo edzi hi gukhethu u Musamariya, ni gukhethu u na ni liphuvbo nya guvivbe, gani?”

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.