Isaya 53:10 - Bhibhiliya Nya Guage

¹⁰ Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:10 Iomraidhean Croise

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 149:4

Kholu Pfhumu Nungungulu a ngu tsakiswa khu vathu vaye; va nya gusolega, a gu va ninga wuzundzo nya gupale.

Dzindzimo 21:4

Uye a di gu lomba guvbanya, uwe u mu ningide matshigu nyamba hegisa kala gupindruga.

Dzindzimo 22:30

Melego wawe wu na mu thumela; va na tivisa Pfhumu ga mimela ni mimelana yi nga gutago.

Dzindzimo 22:31

Va na tivisa gululama gwaye ga lihundzu li na velegwago, satshavbo esi Pfhumu a giridego.

Dzindzimo 69:26

Kholu va gu tshanisa muthu u mu bayisidego, va engedzela wuvi wa oyu u mu tsayisidego.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 72:7

Gu na manege gululama matshiguni nya gufume gwaye, gurula gu na manege kala ngima wu si wonegi.

Dzindzimo 89:29

Lihundzu lawe li na simama kala gupindruga, mufumo waye wu tiya kha nga ndzadzini.

Dzindzimo 89:36

Situgulwana saye si na vbanya kala gupindruga, gikhalo nya wufumu waye gi na simama mbeli gwangu kha nga lidambo,

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 49:4

Aholu eni nyi di pimisa monyoni gwangu, kheni: Nyi thumide mahala, nyi vbedzide tshivba yangu nyamba wuyedwa khu gilo. Ambari khu guralo, Pfhumu Nungungulu, a na nyi ninga fanelo ni tshatshazelo wangu; hakhelo yangu, yomo ga Nungungulu wangu.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 54:3

Kholu u na nava uya phuvbo ga nyamudye ni phuvbo ga nyambade; livelego lago li na fumela mayigo, va wusa madhoropa ma khadego marumbi.

Isaya 61:9

Livelego lawe li na tidwa vbakari nya mayigo, ni situgulwana, si na tidwa vbakari nya mambe mafumbo. Vatshavbo va na va wonago, va na vati kha nga melego wu kategisidwego khu Pfhumu Nungungulu.

Isaya 66:22

Kha nga olu ndzadzini nya guphya ni litigo nya liphya, nyi na gu si girago, si na khalago mbeli gwangu, kharato nilo livelego lanu ni lina lanu li na khala kharato gikhati gyatshavbo, a ngu ganela Pfhumu Nungungulu.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Mitengo 7:15

ni gimombyana gimwegyo, ginvutana gimwegyo ni gihambana gimwegyo nya mwaga moyo, gasi gu gira phaso nya guvbiswe;

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 12:24

Khu lisine, nyi ngu mi embelani, kheni: Mbewu nya tirigu ya gu thega mafuni yi sifi, yi na khala yonga basi; aholu ya gufa, yi na ninga mihandro nya yingi.

Johane 13:32

Wudhumo wa Nungungulu na wu wonega gwaye, Nungungulu nuye a na mu dhumisa; a na mu dhumisa nyamba hwela.

Varoma 6:9

Hi ngu dziti nya gukhethu Kristo a wugidego khu ga vafudego, gima kha na ngafa gambe. Gufa gu mwalo gambe tshivba avbo gwaye.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

Varoma 8:8

Ava va landrisago mavbanyelo nya tumbunugo wowo, gima kha va dzi kodzi gutsakisa Nungungulu.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Vaefeso 1:5

Uye a hi hathide a hi vegisede wuhigo nya gu hi gire sanana Saye khu ga Kristo.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

Vahebheru 2:13

A ngu ganela gambe, khuye: “Ga Nungungulu nyi na vega gutumba gwangu gwatshavbo.” A engedza gambe, khuye: “Kheni oyu gumogo ni sanana Nungungulu a nyi ningidego.”

Vahebheru 7:27

Uye kha giri idzosaye ni vambe vaphasi nya vakhongolo nya mhamba: Kha gu vbwetegi ga uye, khu litshigu ni litshigu, gu ningela mhamba nya guhandze sighoho saye guhegula, a wuya khavbo a ningela mhamba nya guagise sighoho nya vathu. Kholu Uye ningede mhamba gumogo basi, gu vbela, khu gu dzi ningela uye wurumba waye.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”