Isaya 53:1 - Bhibhiliya Nya Guage

¹ Khu mani a khodwego khu esi hi mi tivisidego? Gambe khu mani a wonidego tshivba ya Pfhumu Nungungulu?

Isaya 53:1 Iomraidhean Croise

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 59:16

Pfhumu Nungungulu wonide nya gukhuye mwalo ni moyo nya guphase kwawe. A di samala khu gu wona gukhuye mwalo a lamulelago vathu; khu guralo, a di hongola uye mune wurumba, aya dwana a va pala, gasi gu yeyedza gukhuye khuye mulamuleli.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Matewu 16:17

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Luka 18:31

Na dzegide vale nya likhumi na vavili, a di va embela, khuye: “Mu ngu, wonani, olu ha gu gwela Jerusalema, iyo si naya tadzisegago satshavbo sile si nga lowago khu vaprofeti na si gu lumba Mwamana wa Muthu.

Johane 1:12

Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Johane 1:7

A dita kha nga fakazi, gasi gu fakazela Wenengedzo, gufela gu vatshavbo vakhodwe khu kotani yaye.

Johane 12:38

gasi gu tadzisega magana ya muprofeti Isaya, nya gukhayo: “Pfhumu, khu mani a khodwago khu magana yathu? Tshivba yaye Pfhumu a yi wonegiside ga mani?”

1 Vakorinto 1:18

Kholu, mahungu nya gutivise gufa ga Kristo vbagihambanotunu ma gu wonwa kha nga wupumbu khu vale va belago khu ndzila yi yago gumbembani; gasi ethu hi guromo ndzilani nya guvbanyiswe, gukhethu tshivba ya Nungungulu.

1 Vakorinto 1:24

Aholu, vale a va ranidego, gani Vajudha gani va nya mayigo, va gu ma wona kha nga tshivba ni guti gwa Nungungulu.