Isaya 52:4 - Bhibhiliya Nya Guage

⁴ Kholu Mune, Pfhumu Nungungulu, a ngu ganela kharati, khuye: Guhegulani vathu vangu va relede Egipito, gasi guya luvela iyoyo; gasi olu, Asiriya a va tshaniside na vari mwalo nandru.

Isaya 52:4 Iomraidhean Croise

Genesi 46:6

Va di dzega Jakobe ni situgulwana saye satshavbo, sifuyo sawe ni dzithomba va nga girago tigoni ga Khanani, va gu hongola Egipito.

Genesi 46:7

Sanana saye nya vama ni situgulwana saye nya vama, sanana saye nya vanyamayi ni situgulwana saye nya vanyamayi ni livelego laye latshavbo va di hongola naye tigoni ga Egipito.

Joba 2:3

Pfhumu Nungungulu a di mu wudzisa, khuye: “Ina u di nga wona githumi gyangu Joba, gani? Kholu mwalo muthu mafuni momu a lulamidego ni gutumbega, a thavago Nungungulu ni gu nyenya guvivba, gufanana naye, kala nolu a nga tiyide gululamani, ambari olu u nyi kutsedzedego gu mu dusela silo saye satshavbo nari mwalo nandru.”

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 44:12

Wa gu rengisa vathu khu tengo nyamba phasa gilo, gi mwalo u wuyedwago khigyo avbo nya tengo yoyo.

Dzindzimo 69:4

Avo va nyi vengelago, nyambana nandru, vangi ngudzu guvbindra ndzudzu wa hungoni gwangu; vambembisi vangu va na ni tshivba ngudzu, vale va dzi girago valala vangu nyambana fanelo; va gu nyi singedza malipha, va nyi gurumedza gu bweledza iso nyi ngamba ba.

Isaya 14:25

Nyi na fanyeledzela Vaasiriya, va guromo tigoni gwangu, nyi va gandredzela khu migondro musigomoni gwangu, gasi va rula kanga va hungidego Israyeli, ni gu rula rwalo magatani gwaye.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Johane 15:25

Esi si giregide gasi gu tadzisega magana ma nga lowago Nayo, nya gukhayo: ‘Va nyi vengide nyambana nandru.’