Isaya 52:3 - Bhibhiliya Nya Guage

³ Kholu Pfhumu Nungungulu a ngu ganela kharati, khuye: “Mu rengisidwe mahala, mu na tshudziswa gambe mahala nyambana dzitsapawu.”

Isaya 52:3 Iomraidhean Croise

Dzindzimo 44:12

Wa gu rengisa vathu khu tengo nyamba phasa gilo, gi mwalo u wuyedwago khigyo avbo nya tengo yoyo.

Dzindzimo 44:13

Wa gu hi gira givalo ga vaakelane vathu, avo va hi randrelago va ngu hi hembulula, va hi hega;

Isaya 1:27

Siyoni a na dzegiswa khu wululami, ni avo va na dzi layago va wuya gwaye, khu gululama.

Isaya 45:13

Kheni nyi khendzugisidego Kiro khu gululama gwangu, nyi lulamedza dzindzila dzaye dzatshavbo; uye a na vbaha lidhoropa langu ni gu tshudzisa vathu vangu va guromo wugumbini, nyamba livbwa dzitsapawu mwendro gu bongwa, a ngu ganela Pfhumu Nungungulu nya Tshivba Yatshavbo.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Isaya 63:4

Kholu litshigu nya gu dzi phodzele li diri monyoni gwangu, ni mwaga nya gu dzegise vathu vangu, wu di vbohide.

Jeremiya 15:13

Silo sago ni thomba yago nyi na si ningela si phangwa mahala, khu kotani nya talo nya sighoho sa tigoni gwago gwatshavbo.

Ezekiyeli 16:31

Avbo u nga bani u vbaha nyumba yago nya wubhayi mahandzakanyani gwatshavbo nya dzindzila, ni gu vega miphaso nya gunyenyeze mitandralani gwatshavbo, ina uwe khandri u di dzi gira nga maphuphulu ma gimbilago ma vbweta dzitsapawu, gani?

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Levhi 25:54

A gumba tshudziswa, khu magirelo yaya, a na tshulega khu Mwaga nya Gunengele, uye gumogo ni sanana saye.

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.