Isaya 52:2 - Bhibhiliya Nya Guage

² Khuga u ema u dzi phuphutha kudzudzwane, u khala vbagikhalotunu gwago, uwe Jerusalema. Tshula makhetshe ma guromo thamoni gwago, uwe nyamahegyane nya khumbi ya Siyoni!

Isaya 52:2 Iomraidhean Croise

Isaya 10:27

Khu litshigu lolo, wu na duswa rwalo wu lemelago magatani gwago, ni kanga wu lemelago thamoni gwago, kanga wu na fanyeledzedwago khu kotani nya olu nyi gu todzidego khu mafura.

Isaya 14:25

Nyi na fanyeledzela Vaasiriya, va guromo tigoni gwangu, nyi va gandredzela khu migondro musigomoni gwangu, gasi va rula kanga va hungidego Israyeli, ni gu rula rwalo magatani gwaye.

Isaya 29:4

U na theswa vbavbatshi, u na ganela nuri vbavbatshi nya mafu, lito lago khu vbavbatshi nya kudzudzwane, li na duga na liri mwalo tshivba, lito lago li na pwala vbavbatshi nya mafu li fanana ni lito nya gikono; li na womba ndrodzi khu vbavbatshi nya kudzudzwane.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 51:14

Gibotshwa gi guromo wugumbini gi na tshudwa nyamba hwela, kha gi na relela phalani nya vafi, ambari gu keneledwa khu guhodza.

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 51:45

Enu vathu vangu dugani vbakari gwaye! Muthu ni muthu a na vbanyise womi waye, thavani likhulo nya guthise la Pfhumu Nungungulu.

Jeremiya 51:50

Enu mu vbulugidego gu songwa khu matshari, thavani, vbiredzani gu khuga, thavelani mayigo ya hwindzo, ambari na muri hwindzo mu nga divaledwi khu Pfhumu Nungungulu, myonyo yanu yi na alakanye Jerusalema.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Zakariya 2:6

Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.

Zakariya 2:7

Yingisa, uwe Siyoni! Thavani enu mu vbanyago Bhabhiloni.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.