Isaya 52:1 - Bhibhiliya Nya Guage

¹ Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 52:1 Iomraidhean Croise

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Zakariya 3:4

Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Varoma 13:14

Aholu ambalani Pfhumu Jesu Kristo, mu nga dzi digi mu gu sengwa khu gudogolela nya tumbunugo nya wuthu.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 26:2

Tulani malimba gasi vathu va lulamidego, vathu nya gutumbege va ta bela.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Ekisodha 28:40

Sanana sa Aroni u na si girela dzingandzu ni mikeka ni sihugu nya wuzundzo kha nga giwonegiso nya wudhumo ni wumburi.

Ekisodha 28:2

U na girela ndriyago Aroni dzingandzu nya miphaso gasi gu mu ninga wuzundzo ni wumburi.

Gutuledwa 19:14

Mabutho ya Ndzadzini ma di mu landrela na ma ambade dzingandzu nya wumburi nya guage ngudzu, na ma khilede dzikavalu nya guage ngudzu.

Gutuledwa 19:8

ambagisedwe dzingandzu nya gumbure dzi handzidwego dzi agiswa gwadi.” Dzingandzu nya wumburi khu mithumo ya ndruda ya va nya gukatega.

Vaefeso 4:24

Ambalani mavbanyelo nya muthu muphya a giridwego a fanana ni Nungungulu khu gululama ni ndruda lisineni.

Luka 15:22

Aholu babe wule a di ruma sithumi saye, khuye: ‘Resani khu guvbiredza ngandzu yile nya gumbure ngudzu muta mu ambagisa; mu ambagiseni phera nyalani ni silato migondroni gwaye.

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Ezekiyeli 44:9

Mune Pfhumu Nungungulu, a ngu ganela kharati, khuye: Ni moyo muluveli, nyamba hana wugwera, ni gumba khathala khu Eni, a nga beli Wulangani gwangu nya Guage, ambari ni valuveli vatshavbo va vbanyago vbakari ga va na Israyeli.”

Varoma 3:22

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

Dhaniyeli 10:9

Khavbo avbo, nyi dipwa lito nya magana yaye, avbo nyi nga pwago magana yaye, nyi di thega khu khovbe mafuni, nyi titivala.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Isaya 1:26

Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

1 Dzikoronika 16:29

Ningelani ga Pfhumu wudhumo wu fanelago lina laye; resani miningelo yanu mu bele nayo makupakupani gwaye; khozelani Pfhumu Nungungulu, wulangani gwaye nya wumburi wu agidego.

Isaya 4:3

Vale va na tshalago gigomoni ga Siyoni, va simama gu khala Jerusalema, va na ranwa sihathwa sa Nungungulu; kholu malina yawe ma na bani ma lovidwe ga avo va vbanyago Jerusalema.

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Isaya 64:10

Madhoropa yago nya guage, ma khade giwula, Siyoni, khade mafu nya gihala; ni Jerusalema khade marumbi.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.