Isaya 51:9 - Bhibhiliya Nya Guage

⁹ Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 51:9 Iomraidhean Croise

Joba 26:12

Khu kotani nya tshivba Yaye a ngu kabanisa mati nya linene, khu guti gwaye a vbadzulela mwamilambo wa linene.

Joba 9:13

Nungungulu kha na bosa likhulo laye, ni vaphasedzeli va Egipito va na dzi nogisa mbeli gwaye.

Dzindzimo 21:13

Khuga khu tshivba yago Pfhumu Nungungulu, ethu khu dzingoma ni dzindzimo hi na rungudza tshivba yago.

Dzindzimo 44:1

Nungungulu, hi pwide, ethu habune na va gu ganela, vababe vathu va hi embeledzede, siliwugiso u giridego matshiguni yawe ya gale.

Dzindzimo 44:2

Uwe khu mandza yago u tutumiside mayigo u fela gu emisa vababe vathu; u tshaniside mahundzu, gasi gu dandrisa vababe vathu.

Dzindzimo 44:23

Wuga! Khu ginani u lalago, Pfhumu? Wuga! U nga hi nyenyi kala mahegiso!

Dzindzimo 44:24

Khu ginani u sihago khovbe yago, u divala sisaniso ni wusiwana wathu?

Dzindzimo 59:4

Ambari nyi ngamba ghoha gilo, avo va gu nyi tela khu gututuma ni matshari mandzani; delu u ta wona, u nyi phasa!

Dzindzimo 7:6

Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Dzindzimo 77:5

Nya gu alakanya matshigu ma vbindridego, nya gu dundruga myaga yi vbindridego gale.

Dzindzimo 78:65

Khavbo, Pfhumu, a nga gira gukhwatshi gu khendzuga khu ligovbeni, kha nga mwama nya ndrena a wusedwago wunyanyu waye khu wadwa.

Dzindzimo 87:4

Vbakari nya vathu va nyitigo, nyi na saya Vagipiti ni Vabhabhiloni; vathu va Filisitiya, Tiro ni Vaetiyopiya va na nonedza Jerusalema, va ganela, khavo: Vatshavbo va velegedwe yoyo.

Dzindzimo 89:10

U gandredzede Rahabhi, nyoga nya yikhongolo ya linene u yi songa, khu gyandza gyago nya tshivba u phalalegiside valala vago.

Dzindzimo 89:11

Ndzadzi ni mafu sa gu lumba uwe, u giride litigo ni satshavbo si guromo umo.

Dzindzimo 93:1

Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Isaya 27:1

Khu litshigu lolo, Pfhumu Nungungulu a na tsayisa khu litshari laye nya likhongolo, nya tshivba, levhiyatani, nyoga nya tshivba ni mazambo, nya gu dzi tshomborosele, ni gu songa mwamilambo, nyoga yi guromo linene.

Isaya 30:7

Kholu Egipito, giphaso gyaye khya mahala, khidzo kharato nyi ranago Egipito kheni, Libhemba li si phasigo gilo.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 53:1

Khu mani a khodwego khu esi hi mi tivisidego? Gambe khu mani a wonidego tshivba ya Pfhumu Nungungulu?

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Mikeya 7:15

Eni nyi na mi yeyedza sisamadziso, kha nga matshiguni u dugidego khayo khu tigoni ga Egipito.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Habhakuka 3:13

U dugide gasi gu ya vbanyisa vathu vago, guya vbanyisa uye u nga mu todza khu mafura, u pfhungumula nyumba ya muthu nya guvivbedwe khu monyo, u khungumula nyumba kala ni giseketelo gyaye.

Zakariya 10:11

Avo va na tsemakanya yiphwa nya sitshaniso, a na veta mavimbi nya yiphwa, milondrwa nya guete nya tsongo wa Nilo yi na banga. Khavbo avbo, ma na vbela matshandza yatshavbo ya Asiriya, yi duswa ni ndranga nya wufumu wa Egipito.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Luka 1:51

Giride silo sikhongolo khu mandza yaye, phalalegiside va nya matshandza.

Johane 12:38

gasi gu tadzisega magana ya muprofeti Isaya, nya gukhayo: “Pfhumu, khu mani a khodwago khu magana yathu? Tshivba yaye Pfhumu a yi wonegiside ga mani?”

Mithumo 7:7

Aholu, litigo li na gu va sanisago nyi na li lamula.’ Nungungulu a di engedza gambe gu ganela, khuye: ‘Hwane nya isoso va na duga khu tigoni mule va ta nyi khozela wulangani wowu!’

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Gutuledwa 11:17

na ma gukhayo: “Ethu hi ngu gu bonga Pfhumu, Nungungulu nya Tshivba Yatshavbo, Uwe u guromo, Uwe u nga bani uromo, Uwe u vbwetago guta. Kholu u hakhide tshivba yago nya yikhongolo, gambe u phede gufuma!

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Valamuli 6:13

Aholu Gidhiyoni a di phindrula, khuye: “Nyi pwele wuhindzi uwe mune wangu, nari gukhwatshi Pfhumu Nungungulu a na ni ethu, khu ginani hi dugeledwago khu satshavbo sesi? Somo hayi siliwugiso saye satshavbo esi vababe vathu va hi embeledzelago, khavo: Pfhumu Nungungulu a hi duside tigoni ga Egipito? Khu guralo, olu Pfhumu Nungungulu a hi digide, bwelo khavbo, a hi ningela mandzani ga Vamedhiyani.”