7 Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.
A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.
Isaya a di va embela, khuye: “Embelani mune wanu, khenu: Pfhumu Nungungulu a ngu ganela kharati, khuye: U nga thedwi hwanga khu magana u ma pwidego, ayo ma residwego khu sithumi sa mufumeli wa Asiriya, a nyi vadego khayo.”
Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;
U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.
Aholu uwe, khuga u ema u dzi hunga giwunu khu libhandri, u va embeledzela satshavbo nyi na gu rumago; u nga vbeli tshivba mbeli gwawe, kholu gimwalo gi na gu thelago hwanga.
Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.
“Mu kategide mwa gu vengwa khu vathu, va mi tutumisa, vbakari gwawe va mi vala ni gu nyenya lina lanu khwatshi li di nyenyeza, khu kotani ya Mwamana wa Muthu.
Kholu gu wonegisidwe nya gupwani enu mu lidangalila li nga lowa khu Kristo, kha la lowa khu tita, aholu khu Liphuvbo la Nungungulu a vbanyago; khandri li di lowa vbagiwindritunu aholu li lovidwe myonyoni nya vathu.
Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.
“Egi khu gidzumeledzwano nyi na girago navo; gya gu vboha gikhati gyogyo, a ngu ganela Pfhumu, nyi na vega milayo yangu myonyoni gwawe; nyi na yi lova mapimoni gwawe.”
Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.