Isaya 51:6 - Bhibhiliya Nya Guage

⁶ Khusedzani maho mu khedza ndzadzini, mu wona vbavbatshi nya mafu; ndzadzini gu na mwalalega kha nga wutshi, ni mafu nayo, ma na hagala gu fanana ni guambala. Avo va vbanyago umo, va nafa gu fanana ni dzitshuna; aholu guvbanyisa gwangu gu na simama kala gupindruga, ni gululama gwangu kha gu na thindrekiswa.

Isaya 51:6 Iomraidhean Croise

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 111:3

Thumo waye khwa wuzundzo ni wugulu, gululama gwaye gu ngu simama kala gupindruga.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Isaya 34:4

Lidambo, ngima, dzinyeledzi ni mabuthu yatshavbo nya sivangwa sa ndzadzini, si na fuviswa, ni damboni gu na fumbwa gu fanana ni lidangalila; mabutho yaye yatshavbo ma na thegela khu vbatshani gu fanana ni nyahagane nya uvha mwendro nya ndzowe.

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 50:9

Wonani nya gukhenu Mune, Pfhumu Nungungulu a na nyi phasa; khu mani a na nyi konago? Wonani nya gukhenu vatshavbo va na hagala nga mwendra wa gale, va na hodzwa khu muhwa.

Isaya 51:8

Kholu avo va na hodzwa khu muhwa kha nga mwendra, va hodzwa khu siwungu kha nga mawoya; aholu gululama gwangu gu na simama kala gupindruga, ni guvbanyisa gwangu, gu na thapela mimela ni mimelana.

Isaya 54:10

Kholu sigomo si na siguga, sigomwana si tsekatseka, aholu lihaladzo nyi gu nalo nago, gima kha li na duga avbo gwago; ni pwanano nya gurule gwangu, kha wu na duswa avbo gwago, khiso a ganelago Pfhumu Nungungulu a gu pwelago gisiro.

Isaya 54:9

Kha nga idzo nyi giridego gikhatini gya Nowa; avbo nyi nga sambanyago gukheni, mati nya ndrambi gima kha ma na nga langaladza gambe litigo, kharato gambe nyi sambanyide gukheni kha nyi na gu girela gambe likhulo, ambari gu gu tsayisa.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Vahebheru 9:12

Kristo kha bela Wulangani nya Guage Ngudzu na pharide novba nya dziphongo ni dzimombe, aholu, a di ningela Novba waye, a hi resela kharato guvbanya nya gupindruge.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.