Isaya 51:5 - Bhibhiliya Nya Guage

⁵ Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 51:5 Iomraidhean Croise

Dzindzimo 110:6

A na tsayisa vathu nya mayigo a wungedzela sirumbi sawe; a na songetela vathangeli va tigoni gwatshavbo.

Dzindzimo 67:4

Vathu nya mayigo va na kulungele khu gutsaka, kholu u ngu va fuma khu gululama; khuwe u gimbidzisago vathu va tigoni.

Dzindzimo 85:9

Guvbanyisa gwaye gomo vbafuvbi ga vale va mu thavago gasi wudhumo wu vbaha tigoni gwathu.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 24:15

Khu guralo, dhumisani Pfhumu Nungungulu khu phuvbo ga Khugadambo, ni sidwani sa phwani, huwelelani lina la Pfhumu, Nungungulu wa Israyeli.

Isaya 26:4

Tumbani Pfhumu Nungungulu khavbo gu si vbeligo; kholu Pfhumu Nungungulu, khuye giwindri nya gusihale avbo, kala gupindruga.

Isaya 33:2

Pfhumu Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Isaya 59:16

Pfhumu Nungungulu wonide nya gukhuye mwalo ni moyo nya guphase kwawe. A di samala khu gu wona gukhuye mwalo a lamulelago vathu; khu guralo, a di hongola uye mune wurumba, aya dwana a va pala, gasi gu yeyedza gukhuye khuye mulamuleli.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Isaya 63:5

Nyi di khedza, aholu kha nya wona ni moyo nya gu nyi phasedzele; nyi di samala khu gumba wona ni moyo nya gu nyi seketele; khu guralo, nyi di thuma khu tshivba nya libogo langu, nyi seketedwa khu likhulo langu.

Joyele 3:12

Mayigo ma na khuge ma ema, ma ta kovani ga Josafani, kholu khavbo vbale nyi na gu ya khalago, gasi gu lamula mayigo yatshavbo ma mi randredego.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Varoma 2:16

Gu na girega kharati litshigu Nungungulu a natago a ta lamula mithumo nya gusihale ya muthu ni muthu khu Jesu Kristo, kha nga edzi yi hi hevbudzago khidzo Ivhangeli nyi mi tivisago.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Dhewuteronome 30:14

Kholu magana yaya momo ngudzu vbafuvbi gwago, kanani gwago ni monyoni gwago gasi u ma landrisa.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”