Isaya 51:2 - Bhibhiliya Nya Guage

² wonani babe wanu Abrahama ni Sara, a gu uye a mi velegidego; kholu khuye basi nyi mu ranidego bwelo khavbo nyi mu kategisa ni gu andrisa livelego laye.

Isaya 51:2 Iomraidhean Croise

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 24:1

Abrahama a di gumbide ngudzu, myaga yaye yi diri yingi ngudzu, Pfhumu Nungungulu a di mu kategiside khu satshavbo.

Genesi 24:35

Pfhumu Nungungulu tadzide mune wangu khu wuhigo ni makategwa, a mu dandriside khu tshivba ni dzithomba. A mu ningide dzinvuta, dzimombe, parata ni ndralama, ni sithumi nya vama ni vanyamayi, dzingameriya ni dziburu.

Isaya 29:22

Khu guralo, khu mahungu nya nyumba ya Jakobe, Pfhumu Nungungulu a nga tshudzisago Abrahama, a ngu ganela kharati, khuye: Jakobe gima kha na nga thedwa dzitshoni gambe, ni khovbe yaye gima kha yi na thuviga.

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Isaya 43:27

Nyapandre wago ghohide, ni vathangeli vago va nyi wugede.

Isaya 48:1

Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Isaya 60:22

Lipango nya lidugwana, li na andra kala likhumi mazana (1.000), ni eli nya ligwana ngudzu, li na khala litigo nya tshivba. Eni kheni Pfhumu Nungungulu; khu gikhati givbwetegago nyi na gira satshavbo sesi si tadzisega khu guvbiredza.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Dhewuteronome 1:10

Pfhumu Nungungulu wanu, a mi andriside ngudzu, muhuno mu vathu nya vangi ngudzu kha nga dzinyeledzi dza ndzadzini.

Dhewuteronome 26:5

Khavbo avbo, u na huwata mbeli ga Pfhumu Nungungulu wago, u ganela, khuwe: Babe wangu a diri Muarami, nya mulegalegi, na gumbide, a di hongola tigoni ga Egipito, nari ni vathu nya vadugwana aya vbanya iyoyo kha nga muluveli; aholu, khiyoyo a di ya vbindrugedza a gu khala litigo nya likhongolo nya tshivba, nya vathu nya vangi.

Josuwa 24:3

Khu guralo, nyi di dzega babe wanu Abrahama tshatugo nya tsongo wa Joridhani, nyi mu yisa vbakari nya litigo latshavbo la Khanani, nyi mu andrisela gambe livelego laye, khu gu mu ninga Isaki.