Isaya 51:10 - Bhibhiliya Nya Guage

¹⁰ Ina khandri uwe u nga bangisa yiphwa, ni gu vbwisa milondrwa nya guete ngudzu, gani? Wule a nga tula ndzila khu vbakari nya yiphwa, gasi va tsemakanya vale U va tshudzisidego, gani?

Isaya 51:10 Iomraidhean Croise

Dzindzimo 106:10

A di va vbanyisa kharati ga valala vawe, a va tshula mandzani ga vale va va vengago.

Dzindzimo 106:9

A di kawuka Yiphwa nya Gufuvile mavbwa mati, a va thangela guetani nya nondrwa, gukhwatshi va gu gimbila giwulani nyambana mati.

Dzindzimo 74:13

Uwe u kabaniside yiphwa khu tshivba yago, u pfarela mihungo nya sirengo nya sikhongolo sa linene.

Dzindzimo 77:19

Uwe u di pola ndzila vbakari nya mati, u tsemakanya nondrwa nya wukhongolo, aholu mwalo a wonidego ngondro wago.

Ekisodha 14:29

Aholu sanana sa na Israyeli si di tshatuga khu mawundru vbakari nya yiphwa nya gubange na si gu giredwa libhiyo khu mati, khu nyamudye ni nyambade.

Ekisodha 15:13

Khu wuwadi wago u thangede vathu vago U va dzegisidego, U di va hetedza khu tshivba yago U va yisa wulangani gwago nya guage.

Isaya 11:15

Pfhumu Nungungulu a na bangisa nondrwa nya yiphwa ya Egipito, a na khusedza mandza yaye a dwanisa tsongo wa Ewufrate, khu furugedzo waye nya tshivba, wu na kabaniswa khu livbandre na sivili sitsongwana si na tsemakanywago khu migondro.

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 35:9

Umomo kha gu na manega dzinghala, ambari ni girengo gimwegyo nya wurena kha gi na vbindra khu ndzila yoyo; aholu gu na gimbila khiyo basi vale va tshudzisidwego.

Isaya 42:15

Nyi na khungumula sigomo ni sigomwana, nyi bangisa mwasi waye, mitsongo yi na vbindrugedza yi khala sidwa, nyi bangisa matsiva.

Isaya 43:16

Pfhumu Nungungulu, wule a mi tuledego ndzila matini nya yiphwa, ni gu mi tulela likondro matini nya nondrwa, a ngu ganela kharati, khuye:

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Mikeya 7:15

Eni nyi na mi yeyedza sisamadziso, kha nga matshiguni u dugidego khayo khu tigoni ga Egipito.

Zakariya 10:11

Avo va na tsemakanya yiphwa nya sitshaniso, a na veta mavimbi nya yiphwa, milondrwa nya guete nya tsongo wa Nilo yi na banga. Khavbo avbo, ma na vbela matshandza yatshavbo ya Asiriya, yi duswa ni ndranga nya wufumu wa Egipito.