Isaya 50:4 - Bhibhiliya Nya Guage

⁴ Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Isaya 50:4 Iomraidhean Croise

Joba 4:4

Magana yago ma wuside nya vangi, avo va nga bani va vbweta gutshunganela ni gutiyisela avo va rerekidego.

Dzindzimo 119:147

Wu si gu khugi Wuronga, eni nyi ngu phindrula nyi gu rana, nyi ngu tumba magana yago.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 40:7

Eni nyi di, kheni: “Nyi womo avba, kha nga gu lovidwego libhukuni khu kotani yangu.”

Dzindzimo 45:2

Uwe khuwe nya gumbure ngudzu vbakari nya sanana nya vathu; wuhigo wu ngu duga khu kanani gwago; khu guralo, Nungungulu a ngu gu kategisa kala gupindruga.

Dzindzimo 5:3

Pfhumu Nungungulu, vbadzimindrutunu u napwa lito langu, vbadzimindrutunu, nyi ngu gu bikela nombelo wangu, nyi khevisela phindrulo yago.

Dzindzimo 88:13

Aholu, eni nya gu lila gwago, Pfhumu Nungungulu, dzimindrudzile, nya gu khusedza nombelo wangu nyi wu yisa iyo gwago.

Mavingu 12:25

Uye a vbisegago a ngu vbela tshivba, aholu magana nya yadi ma gu mu tiyisedza

Mavingu 15:23

Muthu a gu tsaka khu gu ninga phindrulo nya yadi, mahungu ma gu ganedwa khidzo gu vbwetegago khidzo, ma gu tshamba ngudzu.

Mavingu 25:11

Mahungu ma ganedwago khu gikhati gyaye, kha nga sifananiso nya makandzu nya ndralama ma tshavedwego somboni nya parata.

Isaya 28:19

Gikhati gyatshavbo wu na vbindrago talo wu na mu kukuluta, kholu gugya ni gugya, wu na vbindra khaavbo wutshigu ni mihani; uye a na embedwago khu mahungu nya libango leli, a na thuruga ngudzu!

Isaya 28:9

Va gu wudzisa, khavo: “A gu pimisa gukhuye na hevbudza mani wugengeli, na? A gu pimisa gukhuye a na tshamusela mani mahungu va ma pwidego? Ina kamwe ethu hi ngari sanana nya sidugwane si ngari gulumudwago, gani? Esi si ngari gu digago libele, gani?

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Isaya 40:29

A gu ninga tshivba avo va rerekidego, ni gu phasedzela vale va gu mwalo tshivba.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Isaya 8:16

Vegedza wufakazi wangu, u namega nayo ga vapizane vangu.

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Ezekiyeli 46:13

“Khu litshigu ni litshigu, mu na dongisela nvutana mweyo nyamba hasa, nya mwaga moyo, gasi gu girela phaso nya guvbiswe Pfhumu Nungungulu, gugya ni gugya u na wu dongisela.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 13:54

Na vbohide tigoni gwawe, a di va hevbudza nyumbani nya nombelo. Vatshavbo va di tala khu guliwuga, va gu wudzisana, khavo: “A gu gu mana hayi guti gogu ni tshivba nya gugire siliwugiso?

Matewu 22:46

Mwalo a nga dzi kodzago gu mu phindrula. Gukhugela avbovbo kha va mu tiyela gambe gu mu wudzisa gilo.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Luka 4:22

Vatshavbo va di mu fakazela, gumogo ni gu liwuga khu magana nya gutale khu wuhigo, ma nga bani ma gu duga khu kanani gwaye. Va di wudzisana khu gyawe, khavo: “Ina khandruye oyu mwamana wa Josefe, gani?”

Johane 7:46

Dzindruna dzi di phindrula, khidzo: “Gima a si gu manegi muthu a ganelago kha nga uye!”

Dhewuteronome 18:17

Khavbo avbo, Pfhumu Nungungulu a di nyi embela, khuye: Va ganede gwadi satshavbo esi va ganedego.

Dhewuteronome 18:18

Nyi na va wusela muprofeti vbakari ga vandriyawe, nya gufanane ni uwe, kanani gwaye nyi na thela magana yangu, uye a na va embela satshavbo nyi na gu mu rumago.