Isaya 50:2 - Bhibhiliya Nya Guage

² Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Isaya 50:2 Iomraidhean Croise

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

2 Dzikoronika 32:15

Khu guralo, mu nga kanganyiswi khu Ezekhiya, ambari gu mi kutsedzelani, ni gu mu khodwa gwaye; kholu mwalo nungungulu wa limbe litigo, ambari ni wevbini mufumo a kodzago gu vbulugisa vathu vaye mandzani gwangu, ambari ni mandzani ga vababe vangu; ina Nungungulu wanu, khuye a na dzi kodzago gu mi vbulugisa, gani?

Dzindzimo 106:9

A di kawuka Yiphwa nya Gufuvile mavbwa mati, a va thangela guetani nya nondrwa, gukhwatshi va gu gimbila giwulani nyambana mati.

Dzindzimo 107:33

Nungungulu giride mitsongo yi khala giwula; ni sibuga nya mati si khala gihala.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Ekisodha 14:29

Aholu sanana sa na Israyeli si di tshatuga khu mawundru vbakari nya yiphwa nya gubange na si gu giredwa libhiyo khu mati, khu nyamudye ni nyambade.

Ekisodha 7:18

Dzindzandzi dzi guromo tsongoni dzi nafa, mati ma na nunga, Vagipiti va na nyenya gusela mati ya tsongoni.”

Ekisodha 7:21

Dzindzandzi dzi difa tsongoni, tsongo wu di nunga, Vagipiti va di tandrega gu sela mati ya tsongoni, gu di manega novba tigoni gwatshavbo ga Egipito.

Mavingu 1:24

Kholu nyi mi ranide, aholu mwalo a nyi hakhidego, nyi thawuludzide mandza yangu, aholu mwalo a nga khathalago.

Isaya 11:15

Pfhumu Nungungulu a na bangisa nondrwa nya yiphwa ya Egipito, a na khusedza mandza yaye a dwanisa tsongo wa Ewufrate, khu furugedzo waye nya tshivba, wu na kabaniswa khu livbandre na sivili sitsongwana si na tsemakanywago khu migondro.

Isaya 19:5

Mati nya tsongo wa Nilo ma navbwa, ni tsongo wu na banga wu khala gihala.

Isaya 23:11

Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Isaya 36:20

Khu vamani vbakari ga vanungungulu vatshavbo nya mayigo yaya, va dzi kodzidego gu vbulugisa litigo lawe mandzani gwangu, gu kala uye Pfhumu Nungungulu a vbulugisa Jerusalema mandzani gwangu?

Isaya 41:28

Avbo nyi nga khedzago, kha nya wona muthu, ambari vbakari nya vasingalagadzi vava, kha nya wona muthu nya gu mu wudzise ni gu nyi ninga phindrulo.

Isaya 42:15

Nyi na khungumula sigomo ni sigomwana, nyi bangisa mwasi waye, mitsongo yi na vbindrugedza yi khala sidwa, nyi bangisa matsiva.

Isaya 43:16

Pfhumu Nungungulu, wule a mi tuledego ndzila matini nya yiphwa, ni gu mi tulela likondro matini nya nondrwa, a ngu ganela kharati, khuye:

Isaya 44:27

Nyi na embela guetani nya yiphwa, kheni: “Uvbwa, eni nyi na bangisa mitsongo yago.”

Isaya 51:10

Ina khandri uwe u nga bangisa yiphwa, ni gu vbwisa milondrwa nya guete ngudzu, gani? Wule a nga tula ndzila khu vbakari nya yiphwa, gasi va tsemakanya vale U va tshudzisidego, gani?

Isaya 54:6

Kholu Pfhumu Nungungulu a gu ranide kha nga nyamayi a digidwego khu mwama, oyu a garadzegago monyoni gwaye; a na gu rana kha nga nyamayi a dzegidwego nari mbiri a wuya a hudwa; a ngu ganela Nungungulu wago.

Isaya 59:1

Wonani nya gukhenu gyandza gya Pfhumu kha gya khwenyela nya gu tandrege guvbanyisa; ambari ndzeve yaye kha ya segega, nyamba kodza gupwa.

Isaya 59:16

Pfhumu Nungungulu wonide nya gukhuye mwalo ni moyo nya guphase kwawe. A di samala khu gu wona gukhuye mwalo a lamulelago vathu; khu guralo, a di hongola uye mune wurumba, aya dwana a va pala, gasi gu yeyedza gukhuye khuye mulamuleli.

Isaya 63:13

Khuye a va giridego va tsemakanya mati nya guete, gu fanana ni kavalu yi gimbilago giwulani, gasi va si tshunganeli gambe!

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Isaya 66:4

Khu guralo, eni neni nyi na va girela sigaradzo nya sikhongolo, nyi na resa vbatshani gwawe iso si na gu va thelago hwanga; kholu nyi ranide, gambe mwalo a nga nyi hakhago, nyi ganede, gima kha va yingisa; aholu va di gira ugo gu nyenyezidego mbeli gwangu ni gu hatha gu gira iso nyi si si goligo.

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 35:14

Magana ya Jonadhabhi, mwamana wa Rekabhi, a nga leletela sanana saye gu si si seli vbinyu, ma ngu landriswa, kholu kha va seli kala na muhuno. Avo vari khavo gu ngu yela gu yingisa milayo ya nyehe wawe, aholu eni nyi gu bwelebwele gu mi embelani, enu kha mu nyi yingisi.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 7:27

Aholu, uwe Jeremiya, va embele magana yaya, avo kha va na gu yingisa; u na va rana aholu kha va na gu hakha.

Jeremiya 8:6

Nyi va yingiside gwadi; gambe kha va ganeli lisine, kha nyapwa ni moyo a nga dzi laya khu sighoho a giridego, a ganela, khuye: “Gasi ginani nyi nga ghoha?” Moyo ni moyo a gu ndreya a tutuma kha nga dzikavalu dziyago nyimbitunu.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:29

Hi ghohide, hi giride ugo gu vivbidego hi gu hambana nago; ga satshavbo ha gu gira ugo gu vivbidego; kha hi landrisi milayo Yago.

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Dhaniyeli 6:27

Uye ngu vbulugisa ni gu vbanyisa; a ngu gira siwoniso ni siliwugiso ndzadzini ni mafuni. Uye a vbulugiside Dhaniyeli tshivbani nya dzinghala.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Nahume 1:4

Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

Habhakuka 3:8

Ina kamwe uwe Pfhumu Nungungulu wa gu dwana ni mitsongo, gani? Mwendro likhulo lago u di wugela sitsongwana, upwa giviti khu linene, olu u khilelago dzikavalu dzago, u gimbila khu dzikareta dzago nya gupale.

Mitengo 11:23

Khu guralo, Pfhumu Nungungulu a di phindrula Mosi, khuye: “Ina tshivba ya Pfhumu Nungungulu yi di vbunguga, gani? Olu u na wona wabune gukhuwe esi nyi gu embelago si na girega mwendro kha si na girega.”

Marko 4:39

Khavbo avbo, na wugide, a di kawuka phuvbo, a embela yiphwa, khuye: “Degula! Rula!” Phuvbo yi di dzegela gu degula, gu manega malenga nya makhongolo.

Johane 1:11

Li dita ga avo va nga bani vari vaye, aholu, avo kha va li hakha.

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.