Isaya 5:8 - Bhibhiliya Nya Guage

⁸ Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Isaya 5:8 Iomraidhean Croise

Joba 15:28

Vbanyide madhoropani ma pfhungumudwego dzinyumbani nyamba khadwa khu vathu, dzi liredego gu khala matala nya marumbi.

Joba 20:21

Gimwalo ni gimwegyo gi nga bani gi vbindra nyamba gi wandra, khu guralo, gughanya gwaye kha gu naya hwindzo.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Ezekiyeli 11:15

Mwamana wa muthu, vandriyago, valongo vago nya lisine ni ndranga yatshavbo ya Israyeli, vatshavbo khu vale va nga ganedwa khu vavbanyi va Jerusalema, khavo: Khugani mu hongola hwindzo ni Pfhumu Nungungulu, kholu litigo leli a hi ningide gu khala thomba yathu.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Habhakuka 2:6

Vatshavbo vava va modwego, mindru ga litshigu kha va na nga diga gu mu yuyutela ni gu mu hega, va ganela, khavo: Libango ga wule a wungedzelago dzithomba nya gubidwe ni gu khala gitetema khu gu livbisa vakwawe! Kala lini na wu gu simama gu gira kharati?

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.