Isaya 5:26 - Bhibhiliya Nya Guage

²⁶ Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Isaya 5:26 Iomraidhean Croise

Dzindzimo 60:4

U ningide ngavbya avo va gu ningago githawo, gasi va vbuluga ga gighalala gya nala.

Dzindzimo 72:8

Mufumo waye wu na khugele linene kala linene, gukhugela tsongoni wa Ewufrate, kala mahegiso nya litigo.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 13:4

Yingisani ligwaha li pwalago vbatshani nya sigomo, la gu fanana ni ligwaha nya gidzemo nya gingi, ligwaha nya mifumo nya mayigo ma tombanidego. Pfhumu Nungungulu nya Tshivba Yatshavbo, a nga gu simama gu rana masotshwa nya nyimbi.

Isaya 13:5

Va guta khu mayigoni ya hwindzo nya mahegiso nya lidambo. Khu Pfhumu Nungungulu ni matshari nya likhulo laye, a tago guta sasela litigo latshavbo.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Isaya 31:9

Likhokhola laye nya wuthavelo li na mbemba ni vathangeli vaye va na ndrendremela khu gu thava va tshiya ngavbya, khu Pfhumu Nungungulu a ganelago kharato. Nilo waye wu dzura gigomoni gya Siyoni, ni gikho gyaye, gi vasidwe dhoropani ga Jerusalema.

Isaya 39:3

Khavbo avbo, muprofeti Isaya a dita ga mufumeli Ezekhiya, a ta mu wudzisa, khuye: “Gasi vama vale va di khavo ginani ni gu va guta khu hayi?” Ezekhiya a di hakha, khuye: “Va guta khu ga litigo la hwindzo tigoni ga Bhabhiloni.”

Isaya 7:18

Kholu, gu na vboha litshigu Pfhumu Nungungulu a na wombago ndrodzi, a rana mabhawa ma guromo mivbinganoni nya mitsongo ya Egipito, ni dzinyosi dzi guromo tigoni ga Asiriya.

Jeremiya 4:13

Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Jeremiya 5:15

Pfhumu Nungungulu a ngu ganela, khuye: Wonani nya gukhenu nyi na mi resela litigo la hwindzo, ga linyumba la na Israyeli li ta mi sasela; vathu vakone va na ni tshivba nari gale na varomo na va gu ganela lidimi u si litigo ambari gu li ganela.

Jeremiya 51:27

Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Gililo 4:19

Avo va hi lundrago va na ni mazambo guvbindra maghama ya damboni, va di hi tutumisa sigomoni va hi demba khu milaphwi giwulani. Resi

Ezekiyeli 38:17

Mune Pfhumu Nungungulu, a ngu ganela kharati, khuye: Ina khandri uwe nyi ganedego khuwe ga matshigu ma vbindridego, khu kanani ga sithumi sangu, vaprofeti va Israyeli, gani? Gukhugela myaga yi vbindridego vaprofetide, gukhavo eni nyi na gu rumela guya dhumela Israyeli.

Joyele 2:7

Va na tutuma kha nga dzindrena, va na lita mabhiyo kha nga vathu nya gudwane nyimbi, moyo ni moyo a na bela khu ndzila yaye, gambe kha va na ndreya ndzararani gwaye.

Habhakuka 1:8

Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.

Zakariya 10:8

Nyi na womba ndrodzi nyi va tshanganisa nyaluphye, kholu nyi va dzegiside; va na wuya gambe va tala kha idzo va nga bani varomo khidzo guhegulani.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,