Isaya 5:25 - Bhibhiliya Nya Guage

²⁵ Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 5:25 Iomraidhean Croise

1 Dzipfhumu 14:11

Ni wevbini muthu a lumbago Jerobhowamo, a gu fela dhoropani, a na hodzwa khu dzimbwa, avo va na felago khabini, va na rothedwa khu sinyoni sa damboni, kholu pfhumu Nungungulu ganede isoso.

1 Dzipfhumu 16:4

Ni wevbini muthu wa nyumbani ga Bhahasa a na felago dhoropani, a na hodzwa khu dzimbwa, ni oyu a na gu felago khabini, a na rothedwa khu sinyoni sa damboni.”

1 Dzipfhumu 21:24

Vatshavbo avo va lumbago nyumbani ga Akabi, va gu fela dhoropani, va na hodzwa khu dzimbwa, ni avo va na felago khabini, va na rothedwa khu sinyoni sa damboni.”

2 Dzipfhumu 13:3

Khu guralo, likhulo la Pfhumu Nungungulu li di khondrela va na Israyeli, a va ningela mandzani ga Hazayeli, mufumeli wa Siriya ni mandzani ga Bheni-Hadhadhi, mwamana wa Hazayeli, matshiguni yale yatshavbo.

2 Dzipfhumu 9:37

Girumbi gya Jezabheli, gi na khala kha nga gitoromu mahangeni ya Jezireyeli; avbo gu na gumba ganedwa gambe gupwani: “Oyu khu Jezabheli.”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 9:13

Nungungulu kha na bosa likhulo laye, ni vaphasedzeli va Egipito va na dzi nogisa mbeli gwaye.

Dzindzimo 106:40

Likhulo la Pfhumu Nungungulu li di khondra ga vathu vaye, a va tsukula, vathu va gu thomba yaye.

Dzindzimo 114:7

Uwe litigo, ndrendremela mbeli ga Pfhumu, mbeli ga Nungungulu wa Jakobe,

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Dzindzimo 68:8

litigo li di kutsungwa; ndzadzini gu di tulega guwa ndzadzi mbeli gwago, Gigomo gya Sinayi gi di ndrendremela mbeli gwago, uwe Nungungulu wa Israyeli.

Dzindzimo 77:18

Gudzuma nya mabara yago gu di pwala malangani gwatshavbo; gulasa gu di wenengedza litigo latshavbo, litigo li di kutsungwa li ndrendremela.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Ekisodha 7:19

Pfhumu Nungungulu a di engedza gambe a embela Mosi, khuye: “Embela Aroni, khuwe: Phara ndronga yago, u khusedza mandza yago vbatshani nya mati ya Egipito, vbatshani nya mitsongo ni vbatshani nya sitsongwana sawe, vbatshani nya matsiva ni vbatshani nya madhamu yawe, mati ma na vbindrugedza ma khala novba, gu na manega novba tigoni gwatshavbo gwa Egipito, ambari somboni nya guvatwe ni esi nya siwindri.”

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 14:19

Aholu uwe wa gu dzudzugwa hwindzo ni lithowo lago, u fanana ni litamo nyamba phasa gilo, girumbi gyago gi na rinywa phalani nya siwindri, gi fenengedzwa khu sirumbi sa avo va nga songwa khu matshari, avo sirumbi sawe si relelago phalani, si pfareledwa khu siwindri.

Isaya 23:11

Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Isaya 25:11

Vbakari nya isoso, Mowabhi a na thawuludza mandza yaye, kha nga idzo muhambi a thawuludzago khidzo a gu bani a gu hamba mayaka; aholu Pfhumu Nungungulu a na vbwasamisa gu dzi khusedza gwaye, gumogo ni wugengeli nya mandza yaye.

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 51:20

Sanana sago si titivade, si mbambamede mahandzakanyani nya dzindzila dzatshavbo, gu fanana ni tshesi yi modwego khu naphwi; va levide khu likhulo la Pfhumu Nungungulu, ni tsayiso wa Nungungulu wago.

Isaya 64:3

Avbo u nga bani u gira silo nya guthavise, hi nga bani ha sa si lindrela, u di tshiga, sigomo si di tsekatseka mbeli gwago.

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Isaya 66:24

Va na duga vaya wona sirumbi nya vathu va nga nyi wugelago; kholu siwungu sawe gima kha si na ngafa, ambari nilo wawe, kha wu na tshimega; gu na bani guri tshanisa ga vathu vatshavbo.

Isaya 9:11

Khu guralo, Pfhumu Nungungulu a na va wusela valala va Rezimi guta va dhumela, a wusa ni valala vaye khu gumogo basi.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Isaya 9:20

Va gu pila gitsuwu khu nyamudye, va gu simama gupwa ndzala, va gu hodza khu nyambade, aholu va gupwa ndzala; muthu ni muthu a gu hodza nyama ya muthu kwawe.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Jeremiya 15:3

Pfhumu Nungungulu a ngu ganela khuye, nyi na va rumela dzimhango dzina nya sitsayiso a gu edzi: Va na songwa khu matshari, sirumbi sawe si ndrindrwa khu dzimbwa, nyama yawe yi rothedwa khu sinyoni sa damboni ni gu hodzwa khu sirengo sa khabini si va vbiyela.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 4:24

Nyi di khedza sigomo, si di tsekatseka, ni sigomwana si di gu lengalenga.

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Jeremiya 6:12

Dzinyumba dzawe dzi na ningedwa vambe vathu, va dzegedwa gambe ni marembwe ni vagadzi vawe, kholu nyi na thawuludza libogo langu nyi veta vavbanyi va tigoni momu, a ngu ganela Pfhumu Nungungulu,

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Jeremiya 9:22

Va embele, khuwe: Pfhumu Nungungulu a ngu ganela kharati, khuye: “Sirumbi nya vathu si na mbambamela kha nga gitoromu gi thedwago marembweni, si mbambamede kha nga dzinyandra nya mavbila ya muvbweri, nyamba kodzwa gu roledwa khu muthu.”

Gililo 5:22

Ina kamwe u hi digede muphelo, gani? Ina u ngari ni likhulo ngudzu khethu, gani?

Ezekiyeli 15:6

Khu guralo, Mune Pfhumu Nungungulu a ngu ganela kharati, khuye: Kha nga olu vathu va guvbweta gu khondrisa nilo va dzegago misimbo nya uvha va khondrisa khiyo, va diga yimbe misimbo ya khabini; khu guralo, nyi na gira neni ga vavbanyi va Jerusalema.

Ezekiyeli 30:25

Nyi na khusedza mawogo ya mufumeli wa Bhabhiloni, aholu mawogo ya Faro, ma na khala wugara; va na nyiti gukhavo Eni kheni Pfhumu Nungungulu, gikhati nyi na vegago litshari langu mandzani ga mufumeli wa Bhabhiloni, uye a na li khusedza a sasela litigo la Egipito.

Ezekiyeli 6:14

Nyi na thawuludza libogo langu vbatshani gwawe, nyi pfhungumula litigo lawe gukhugela giwulani gya Marandzi, kala dhoropani ga Ribila, phuvbo ga Wuronga, nyamba tshiya ni wulanga wumowo nya umo va vbanyago umo va na Israyeli; gikhati gyogyo va na dziti gukhavo kheni Pfhumu Nungungulu.”

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Mikeya 1:4

Sigomo si na nyiviliga vbavbatshi nya migondro yaye, ni mikova yi na tulega nga mafura vbavbatshi nya nilo, kha nga mati ma gogago releloni ma khala nondrwa.

Nahume 1:5

Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?

Dhewuteronome 31:18

Khu lisine kamwe, khu litshigu lolo eni nyi na va sihela khovbe yangu, khu guvivba gwatshavbo va na gu bani va giride, khu gu landrela vambe vanungungulu.

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.