Isaya 5:20 - Bhibhiliya Nya Guage

²⁰ Libango ga vale va wonago guvivba khavo khwadi, wuwadi khavo wu vivbide; gidema khavo guwonegela, guwonegela, khavo gidema; esi si vavago, khavo si ngu lombela, iso nya gulombele, khavo si ngu vava!

Isaya 5:20 Iomraidhean Croise

Joba 17:12

Va nyi vbindrugedzede wutshigu wu khala mihani, ni guwonegela khavo, gomo vbafuvbi ni gu khala gidema.

Ekisodha 23:7

Thava gusingedza malipha mumbe muthu. U nga songi muthu a gu mwalo nandru, ni oyu a lulamidego, kholu Eni gima kha nyi na nga tshula muthu a gu na ni nandru nyi mu gira muthu nya gululame.

Mavingu 17:15

Uye a emelago muthu nya gighohi, khuye gambe a konago muthu nya gululame; satshavbo si vivbide mahoni ga Pfhumu Nungungulu.

Mavingu 4:17

Kholu, avo guhodza gwawe khu guvivba, va sela wadwa nya dzihanyi.

Isaya 24:9

Kha gu nga gu sedwa gambe vbinyu na gu embeledwa dzindzimo; kholu wadwa nya guvave wu nga bani wu gu sedwa, kha wu nga gutshamba gambe ga vale va wu selago.

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 32:5

Gipumbu gima kha gi na ranwa gambe pwani muthu nya guthavisege, ni gidambane, gima kha gi na ranwa pwani muthu nya wadi.

Ezekiyeli 13:19

Enu mu nyi ghohede vbakari ga vathu vangu, mu girela gu mana dzitshotanyana nya sivbila ni sipandryana nya gibaba, gasi gu songani mihefemulo yi ngamba yela gu songwa, mu vegedza mihefemulo yi gu mwalo fanelo nya guvbanye, mu liphela kharati vathu vangu va yingisa malipha yanu.”

Amosi 5:7

Enu mu vbindrugedzago lisine li khala wuhungu, gululama mu gu vbaladza vbavbatshi.

Mikeya 3:2

Aholu mwa gu nyenya gululama mu gola wuvivbi; mwa gu dusa lidowo la vbatshani la vathu vangu, ni nyama yawe ya vbatshani nya marambo yawe.

Habhakuka 1:4

Khu guralo, gumwalo gambe nayo, kha gu nga gu lamudwa khu lisine, kholu va nya guvivbedwa khu monyo, va gu khingeledzela muthu nya gululame, khu guralo, mahungu ma gu wegedzwa, ma si gimbidziswi khu lisine.

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Malakiya 3:15

Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.”

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Dhewuteronome 25:1

Vathu vavili va gu dwana, vata dzi bikela phathani nya madhota gasi guta lamudwa, valamuli va na tshule oyu a lulamidego, va tsayisa uye a ghohidego.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.