Isaya 5:19 - Bhibhiliya Nya Guage

¹⁹ Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Isaya 5:19 Iomraidhean Croise

Isaya 30:11

Ndreyani ndzilani momo, hambanani ni gindzilana gyogyo, mu nga hi embelini gambe khu oyu a Agidego wa Israyeli.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Jeremiya 17:15

Wona nya gukhuwe va gu nyi embela, khavo: “Momo hayi magana a ganedego Pfhumu Nungungulu? Ma na tadzisege, na!”

Jeremiya 23:18

Kholu khu mani wawe a wu tigo wusingalagadzi wa Pfhumu Nungungulu gasi gu wona ni gupwa magana yaye? Khu mani a dzi vegisidego ni gupwa magana yaye?

Jeremiya 23:36

Aholu mu nga ganeli gambe khu rwalo wa Pfhumu Nungungulu; kholu muthu ni muthu a na lemedwa khu magana yaye; kholu mu hambanisago ndzila nya magana ya Nungungulu a vbanyago, ya Pfhumu Nungungulu nya Tshivba Yatshavbo, Nungungulu wathu.

Jeremiya 36:23

Gikhati ni gikhati Jewudhi a nga bani na gu vbedza gu hevbula malangalila mararu mwendro mana, mufumeli a di ma pila khu ngala wa mulovi a ma rinya gikhoni nya nilo, mavbya kala libhuku latshavbo li vbela khu guvbya.

Ezekiyeli 12:22

“Mwamana wa muthu, mavingu muni enu mu gu nawo tigoni ga Israyeli nya gukhenu: Matshigu ma ngu vbindra, ni siwoniso va hi wonisago, kha si phasi gilo?

Ezekiyeli 12:27

Mwamana wa muthu, va na Israyeli va gu ganela, khavo: Giwoniso va gi wonago kha gi na girega nugunugu, gi na girega khu hwane nya myaga yi nga gutago.

Hoseya 10:3

Khu guralo, va na ganela, khavo: “Hi mwalo gambe mufumeli, kholu kha hi ningi githawo Pfhumu Nungungulu. Ambari na hiri ni mufumeli, a di hadza gu hi phasa khu ginani?”

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”