Isaya 5:17 - Bhibhiliya Nya Guage

¹⁷ Khavbo avbo, dzinvuta dzi na hodza dhoropani kha nga wuhaviseloni gwawe; marembweni ga sitetema, gu na hodza umo vavbindri nya ndzila.

Isaya 5:17 Iomraidhean Croise

Nehemiya 9:37

Mihandro nya litigo leli ya gu velegelana ngudzu, gasi yi hodzwa khu vafumeli va mambe mayigo, u va vegidego gu hi fumela khu kotani nya sighoho sathu; va gu khozisa sivili sathu khu gugola gwawe gumogo ni mitshambi yathu; khu guralo, hi womo gutshanisekani nya gukhongolo.

Dzindzimo 119:70

Myonyo yawe yi bangide, gambe kha vapwi gilo, aholu eni nya gu tsakela ngudzu nayo wago.

Dzindzimo 17:10

Avo va gu bangisa myonyo yawe, va ganela matshandza khu magana yawe.

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Dzindzimo 73:7

Maho yawe ma simbide khu mafura; myonyoni gwawe gu tade khu maalakanyo nya guvivbe.

Isaya 1:7

Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 10:16

Khu guralo, Pfhumu Nungungulu nya Tshivba Yatshavbo, a na rumela tungu ga vathu, wu ta wondrisa sitetema satshavbo sa Asiriya; vbavbatshi nya thomba yawe wu na dzura nilo, kha nga uye a vbiswago khu nilo.

Isaya 17:2

Madhoropani ya Aroweri kha gu na khala gambe muthu; ma na khala malanga nya mitshambi, yi zumba umo, nyamba thurugisedwa khu vathu.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 65:10

Panini ga Saroni gu na khala wulanga nya wuhaviselo nya dzinvuta, ni kova wa Akora, wu na khala lizumbo nya dzimombe, la vathu vangu va nyi ningago githawo.

Isaya 7:25

Ni musigomoni gwatshavbo umo gu nga bani gu limwa, u na thava ni gu gu bela khu kotani nya sirangalabwa ni miba; gu na khala basi wuhaviselo nya dzimombe ni gu gandredzedwa khu dzinvuta.

Jeremiya 5:28

Va enide, khu gu hodza gwadi, wuvivbi wawe wu vbindride pimo; kha va lamuli khu nongameto mahungu ya dzikhulungu; ambari gu vhikela fanelo nya sisiwana.

Gililo 5:2

Thomba yathu yomo mandzani ga va nya mayigo, dzinyumba dzathu dzi ningedwe vavbindri nya ndzila.

Hoseya 4:16

Va na Israyeli va bangide mihungo nga gimombyana nya gigaha, a na dzi kodza kharini Pfhumu Nungungulu gu va havisa nga nvuta malangani nya mahavo nya mangi, na?

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Sofoniya 2:14

Vbakari gwaye, gu na khala mazumbo nya mitshambi, nya mafumbu yatshavbo nya sirengo sa khabini; matembe ni sisungurukhuru si na mana wuthavelo vbatshani nya madingo yawe; ligwaha nya sinyoni, li na pwala khu sihogoni nya dzinyumba, vamahigonganye khu myanyani, kholu si guledwe mihasimo nya mapulango nya sena.

Sofoniya 2:6

Litigo lanu la bambe nya yiphwa, li na vbindrugedza li khala wuhaviselo nya sirengo, li manega ni mitshatsha nya vahavisi ni mavbandro nya mitshambi.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.