Isaya 5:13 - Bhibhiliya Nya Guage

¹³ Khu guralo, vathu vangu va na vbagedwa va yiswa wugumbitunu, khu gumbana mapimo. Vathu vawe nya guthavisege va nafa khu ndzala, ni gidzemo gyawe gi na dagarela khu lidora.

Isaya 5:13 Iomraidhean Croise

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Mavingu 10:21

Magana ma dugago khu kanani ga muthu nya gululame, ma ngu hodzisa vathu nya vangi, aholu sipumbu sa gufa khu gumbana mapimo.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 1:7

Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 23:9

Khu Pfhumu Nungungulu nya Tshivba Yatshavbo a hungidego makungo nya guvbedze matshandza yatshavbo nya wumburi, ni gu vbwasamisa vale va gu ni ndruma tigoni.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 3:1

Kholu, wonani nya gukhenu: Mune, Pfhumu Nungungulu Nya Tshivba Yatshavbo, a na wandrela Jerusalema ni Judha iso si va vbanyisago ni siseketelo satshavbo, a na va dzegela guhodza gwawe gwatshavbo ni mati nya gusele.

Isaya 3:3

muthangeli nya gikwata nya livbandre magumi (50), vathu nya guthavisege, vasingalagadzi, va nya gugengela, vameseri ni va nya gu gira sisamadziso.

Isaya 44:19

Vbakari gwawe mwalo ni moyo a alakanyago uye a gu ni guti mwendro gupimisa, gasi a ganela, khuye: “Gipandre nya mapulango nyi khuthide khigyo nilo nyi phula guhodza, magala yakone nyi vawula khayo nyama, nyi hodza; ina nyi ngu dzi kodza gu dzega gipandre gi tshadego nya mapulango nyi gira gifananiso nya gu dzi nyenyezise, gani? Ina nyi ngu yela gu khidzima nyi khozela gifananiso nya simbo, gani?”

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 14:3

Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.

Jeremiya 8:7

Ambari lisekwa, khu damboni, li ngu dziti dzinango dzaye dzi vegisidwego; lituva, ndrewulewu ni pfhokwane si ngu dziti dzinango dzawe nya gurure; aholu vathu vangu kha va guti gulamula ga Pfhumu Nungungulu.

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Amosi 8:13

Khu litshigu lolo, makendzi nya gumbure ni madzaha ma na dzima khu lidora.

Luka 19:44

Va na gu tshigira mafuni, uwe ni sanana sago, kha va na tshiya giwindri vbatshani nya giwindri gikwawe, kholu u ngamba liti litshigu u nga holedwago khilo!”

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

2 Pedro 3:5

Vapoyili vovo va gu hangwa khu gukhavo matshigu ya gale, Nungungulu a di ganela, guvangwa ndzadzi ni mafu. Litigo li di duswa khu matini, li gu wumbwa vbakari nya mati khu lito la Nungungulu.