Isaya 5:12 - Bhibhiliya Nya Guage

¹² Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Isaya 5:12 Iomraidhean Croise

Genesi 31:27

Khu ginani u nga khugago khu gisihaledza, u nyi pemba, wulangani nya gu nu nyi tiviside? Na nyi gu vbanganide khu gunengela ni gutsaka, na hi guembelela ni gu womba dzingoma ni sitshatsharu!

2 Samuweli 19:35

Olu eni muhuno nyi gu na ni livbandre na mararu magumi myaga, ina nyi ngu kodza gu hambanisa iso nya sadi niso nya guvivbe, gani? Eni githumi gyago nyi nga kodza gupwa gutshamba iso nyi na hodzago ni gu sela, gani? Ina nyi na kodza gambe gupwa malito ya vaembeleli nya vama ni vanyamayi, gani? Khu ginani nyi na girelago gilemedzo ga mufumeli ni mune wangu?

Joba 34:27

Kholu va mu pfhuraredego, va ndreya dzindzilani gwaye dzatshavbo a dzi emisidego.

Dzindzimo 28:5

Avo kha va khathali khu sile a giridego Pfhumu Nungungulu, ni sigiro nya mandza yaye; u na va fuvisa nyamba va wusedza gambe.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 24:8

Gudzuma nya singomana kha gu pwali gambe, livbede ligwaha la vale va tsakago, gitendre kha gi ngo wombwa gambe.

Isaya 29:1

Libango lago uwe Ariyeli! Ariyeli, lidhoropa lile Dhavhidhe a nga vegago umo lizumbo laye! Engedzelani khu mwaga ni mwaga, gu manega mibuzo.

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Ezekiyeli 26:13

Nyi na fuvisa dzindzimo dzago nya litsako, ni gudzuma nya sitendre gima kha gu na pwala gambe.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

1 Vakorinto 14:7

Khidzosaye ni dzingoma dzi wombwago. Silo si si vbanyigo, kha nga pundru mwendro hwambi; sa gumba wombwa gwadi, si pwala, a na dziti kharini muthu gukhuye ginani a wombago muwombi?

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

1 Samuweli 12:24

Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.