Isaya 5:11 - Bhibhiliya Nya Guage

¹¹ Libango ga avo va vindrugelago gu wuga va landrisela mawadwa, va sela, va leva, kala ni vbakari nya wutshigu va vbiswa, khu wadwa.

Isaya 5:11 Iomraidhean Croise

2 Samuweli 19:35

Olu eni muhuno nyi gu na ni livbandre na mararu magumi myaga, ina nyi ngu kodza gu hambanisa iso nya sadi niso nya guvivbe, gani? Eni githumi gyago nyi nga kodza gupwa gutshamba iso nyi na hodzago ni gu sela, gani? Ina nyi na kodza gambe gupwa malito ya vaembeleli nya vama ni vanyamayi, gani? Khu ginani nyi na girelago gilemedzo ga mufumeli ni mune wangu?

Mavingu 20:1

Vbinyu yi ngu dhadhavadzisa muthu; ni wadwa wu ngu vanga ligwaha, ni wevbini a dzi ningelago avbo gwaye, mwalo mapimo.

Mavingu 23:32

Guhegisani wa gu hodza kha nga nyoga, wu paya kha nga mamba.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 24:9

Kha gu nga gu sedwa gambe vbinyu na gu embeledwa dzindzimo; kholu wadwa nya guvave wu nga bani wu gu sedwa, kha wu nga gutshamba gambe ga vale va wu selago.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 28:3

Gihugu nya wufumu nya matshandza nya sidhakwa sa Efrayimi, gi na gandredzedwa khu migondro.

Isaya 5:22

Libango ga vale va dzi girago dzingwazi nya gusele wadwa, ni vale va dzi pwago na vari dzindrena nya guphule wadwa nya guvave!

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Habhakuka 2:15

Libango ga wule a ningelago ga muakelane waye wadwa nya gu handrugise mapimo a leva, gasi gu wona wumbwiri waye.

Habhakuka 2:5

Muthu a dzi ningedzelago ngudzu guselani nya wadwa, gipumbu, ni muthu nya matshandza mwalo gurula; a gu khala na hamide likana kha nga lithowo. A gu fanana ni lufu; a gu si vbweta si manega kha khuri, a gu tombanisa vathu nya mayigo yatshavbo, a gu khozisa vathu nya mafumbu yatshavbo va khala vaye.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

1 Samuweli 25:36

Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.