Isaya 5:10 - Bhibhiliya Nya Guage

¹⁰ Umo nya likhumi dzindrima nya lithembwe nya miuvha, gu na duga basi vbinyu nya gutadze phongolo moyo; ni likhumi mipimo nya dzimbewu dzi yadwago, dza gu vbwerwa, dzi na dusa basi gitundru gimwegyo!”

Isaya 5:10 Iomraidhean Croise

Ekisodha 37:22

Sipfupfu sesi, ni matamo yaya ni gidzigaredzo gyakone, satshavbo si di gira gilo gimwegyo basi nyamba yingwa, gyatshavbo gi di pfhudwa khu ndralama nya guhutwe.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 7:23

Khu litshigu lile gambe, lithembwe ni lithembwe nya miuvha li gu na ni likhumi mazana (1.000) misimbo, li ninganago likhumi mazana (1.000) singerengere nya parata, li na vbindrugedza li buga miba ni sirangalabwa.

Jeremiya 48:33

Dzindzimo ni mikulungwane, kha dzi nga gu pwala gambe tigoni nya gunone ga Mowabhi, nyi bangiside miphongolo yi thedwago umo vbinyu; mwalo gambe a na gu gamago dziuvha khu litsako, gwa gu manega ndzimo, yi na bani yiri ya gililo.

Joyele 1:17

Mbewu yi hinide vbavbatshi nya mafu, sisangala si tshade nyambana gilo ni sithathe si pfhungumudwe, kholu tirigu yi bangide.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Levhi 27:16

Muthu a gu ningela gipandre nya lithembwe laye, a gu thomba yaye gasi gu agisela Pfhumu Nungungulu, tengo nya gu yi dzegisa khuwo wu fanede gu khedza khu mbewu yi yadwago thembweni momo: Ghomeri mweyo nya mala yi na pimwa tengo nya livbandre magumi dzisekeli nya parata.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Agewu 2:16

Khu hwane nya gikhati, muthu a guta gwela vbalitalatunu li gu ni magumavili mipimo a di ta mana basi likhumi mipimo, a guta umo nya miphongolo guta dusa livbandre magumi mipimo nya vbinyu, a nata mana basi magumavili.

Dhewuteronome 28:38

Mahangeni gwago u na yala dzimbewu nya dzingi; aholu uwe u na vbwera dzidugwana, kholu dzi na bani dzi hodzidwe khu dzimbera.

Dhewuteronome 28:39

U na lima u yala miuvha nya mingi, aholu uwe gima khu na sela wadwa wakone, ambari gu havela dziuvha dzakone, kholu dzi na bani dzi hodzidwe khu siwungu.