Isaya 49:4 - Bhibhiliya Nya Guage

⁴ Aholu eni nyi di pimisa monyoni gwangu, kheni: Nyi thumide mahala, nyi vbedzide tshivba yangu nyamba wuyedwa khu gilo. Ambari khu guralo, Pfhumu Nungungulu, a na nyi ninga fanelo ni tshatshazelo wangu; hakhelo yangu, yomo ga Nungungulu wangu.

Isaya 49:4 Iomraidhean Croise

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

Mavingu 29:26

Vathu nya vangi va gu vbweta gukhavo va godwe khu vafumeli, aholu Pfhumu Nungungulu khuye basi a lamulago vathu vatshavbo.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 40:27

Khu ginani uwe Jakobe ni uwe Israyeli u ganelago, khuwe: Pfhumu Nungungulu kha dzini gu vboha vbafuvbi gwangu, Nungungulu wangu a gu nyi diga a si nyi lamuli?

Isaya 57:21

Ga va nya guvivbedwa khu myonyo gu mwalo gurula; a ngu ganela Nungungulu wangu.”

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Ezekiyeli 3:19

Aholu, uwe wa gu kawuka muthu nya guvivbedwe khu monyo, uye a si digi mithumo ni dzindzila dzaye nya guwegele, uye a nafa khu guvivba gwaye, aholu uwe u na vbulugisa hefemulo wago.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Luka 24:26

Gasi Kristo a di si emeli gu saniseka, afela gu bela wudhumoni gwaye, gani?”

Johane 1:11

Li dita ga avo va nga bani vari vaye, aholu, avo kha va li hakha.

Varoma 10:21

Aholu na gu thula Israyeli, Isaya, a di khuye: “Matshigu yatshavbo Eni nyi thawuludzide libogo langu, ga vathu nyamba khodwa ni gumba yingela.”

2 Vakorinto 12:15

Eni nyi ngu dzumela gu ningela satshavbo nyi gu naso, ambari wurumba wangu khu kota nya enu. Nya gu mi yeyedzani lihaladzo nya lingi, khavbo mu na gu nyi golago vbadugwana?

2 Vakorinto 2:15

Ethu, ga Nungungulu hi mahema nya yadi ga vale va vbanyiswago ni ga vale va mbembago.

Vagalatiya 4:11

Mu ngu nyi thela hwanga: Gukhwatshi thumo watshavbo nyi wu thumidego vbakari gwanu wu mwalo giphaso.

Vafilipi 2:16

mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.