Isaya 49:3 - Bhibhiliya Nya Guage

³ a nyi embela, khuye: “Uwe u githumi gyangu, khavbo ga Israyeli nyi yelago gu dhumiswa khavbo.”

Isaya 49:3 Iomraidhean Croise

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 52:13

Wonani nya gukhenu, githumi gyangu gi na thuma khu mapimo, gi na dandriswa, gi zundzwa, gi khusedzwa vbatshani.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Johane 12:28

Baba, dhumisa lina lago!” Khavbo avbo, li dita lito khu Ndzadzini, khilo: “Gale na nyi li dhumiside, gambe nyi nga na gu li dhumisa.”

Johane 15:8

Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

Johane 17:1

Jesu, na ganede magana yaya, a di khusedza maho a khedza Ndzadzini, khuye: “Baba, khigyo egi gikhati, dhumisa Mwanago, gasi a nuye a gu dhumisa,

Johane 17:4

Nyi gu dhumiside mafuni, kholu nyi vbedzidego thumo u nga nyi rumelago.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

2 Vatesalonika 1:10

A na bani ari litshigu Pfhumu atago guta dhumiswa khu vatshavbo vale a va hathidego, a na wonwa khu vatshavbo va dzumedego gukhodwa. Enu mu hakhide gwadi mahungu yathu.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.