Isaya 49:2 - Bhibhiliya Nya Guage

² A di gira likana langu kha nga litshari nya gulodzwe, a nyi fenengedza khu mutsa nya gyandza gyaye, a nyi giride kha nga giholoma gilodzidwego, a nyi siha vbagikhwesotunu gwaye,

Isaya 49:2 Iomraidhean Croise

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Ekisodha 33:22

Gikhati wudhumo wangu wu vbindrago, nyi na gu bedza phagoni nya giwindri, Eni nyi na gu fenengedza khu mandza yangu, kala nyi gu vbindra.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Isaya 51:16

Nyi ngu thela magana yangu kanani gwago, nyi na gu siha mutsani nya gyandza gyangu. Eni nyi na ladza ndzadzini nya guphya, ni gu tsitsa giseketelo nya litigo nya liphya, ni gu embela Siyoni, kheni: “Enu mu vathu vangu.”

Jeremiya 1:18

Wona nya gukhuwe gukhugela muhuno nyi na gu gira lidhoropa nya gutiye, kha nga lidingo nya dzisimbi, ni libhiyo nya sugu, gasi u vhikela litigo latshavbo, vafumeli va Judha, vathangeli vaye, vaphasi nya mhamba ni vathu vaye vatshavbo.

Hoseya 6:5

Khu guralo nyi mi bayiside, khu gu mi rumela vaprofeti; nyi mi songa khu magana ma dugidego khu kanani gwangu, ni wulamuli wangu wu na duga kha nga wenengedzo.

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Vaefeso 6:17

Ambalani gihugu nya guvbanyiswe, gasi magana ya Nungungulu ma phareni kha nga litshari mu ningwago khu Liphuvbo nya Guage.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

Gutuledwa 1:16

Khu nyamudye a di pharide livbandre na dzimbili dzinyeledzi; khu kanani gwaye gu di duga litshari nya gulodzwe eno ni eno. Khovbe yaye yi di fanana ni lidambo nya gungangamele khu tshivba yaye yatshavbo.

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.

Gutuledwa 2:12

Lovela ngilozi ya libandla la Pergamo, khuwe: “Wule a lodzidego litshari li vbira eno ni eno, wari, khuye:

Gutuledwa 2:16

Nga vbindrugedza mavbanyelo; nyi nga gara nyita khu guvbiredza nyita dwana navo khu litshari leli la kanani gwangu.