Isaya 48:8 - Bhibhiliya Nya Guage

⁸ Gima u di si gu sipwi, ambari gu si pima, gukhugela gale dzindzeve dzago dzi di bani dzi si gu tulegi; kholu nyi di gu si pima gukheni kha wa tumbega ngudzu, gukhugela rumbuni ga mayi wago, wa gu tidwa pwani u gindragamilayo.

Isaya 48:8 Iomraidhean Croise

Dzindzimo 40:6

Uwe khwa vbweta miphaso ni miningelo, aholu u nyi tude dzindzeve; khwa lomba miphaso nya sirengo nya guvbiswe, gasi gu handza sighoho sathu.

Dzindzimo 51:5

Kholu eni nyi velegedwe mugighohoni, mayi wangu khuride mimba yangu nyiri gighohi.

Dzindzimo 58:3

Va nya guvivba va gu ghoheka va ngari ndrani, va nya malipha va dzimede va si gu velegwi.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 46:8

Alakanyani gwadi esi, mu si vega mapimoni gwanu; mu nga divaledwi khiso, enu mu vivbedwego khu myonyo.

Isaya 47:11

Kholu u na dugeledwa khu libango, u na gumba liti umo litago khumo; libango leli li na gu thegela, nyamba kodza gu dzi vhikela; kholu li na gu thegela khu githugedza, li ta gu mbembisa nu si pimi gilo.

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 48:7

Silo sesi si ngari gu girega kamwe olu, khandri sa gale; u si gupwi gilo khiso kala na muhuno, gasi u si ganeli, khuwe: Nyi di gu siti.

Isaya 50:5

Mune, Pfhumu Nungungulu a nyi tude dzindzeve gasi nyi yingisa, aholu eni kha nya bomba; ambari gu bwelela hwane.

Isaya 57:4

Khu mani mu mu hembululago, na? Khu mani mu si khathaligo khuye? Mwa gu hamela mani likana mu mu dusela lidimi vbavbandze, na? Ina khandri mu sanana nya sighohi ni livelego nya va nya malipha,

Jeremiya 3:20

Pfhumu Nungungulu a ngu ganela, khuye: “Libango lanu enu va na Israyeli, kholu mwa gu fanana ni nyamayi a gumba tumbega ga mwama waye, enu nenu kha mwa tumbegani gwangu.

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Hoseya 5:7

Kha va tumbega ga Pfhumu Nungungulu; kholu va velegide sanana nya wubhayi. Olu Mibuzo yawe nya Gumege nya Ngima, yi na va mbembisa gumogo ni dzithomba dzawe.

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 31:18

Khu lisine kamwe, khu litshigu lolo eni nyi na va sihela khovbe yangu, khu guvivba gwatshavbo va na gu bani va giride, khu gu landrela vambe vanungungulu.