Isaya 48:6 - Bhibhiliya Nya Guage

⁶ U di si pwide silo sesi; wona nya gukhuwe satshavbo si tadzisegide. Ina kha mu dzumeli gu gira wufakazi khiso, gani? Gukhugela olu guya mbeli, nyi na mi pwadzela silo siphya niso nya misihalo u nga bani u si siti.

Isaya 48:6 Iomraidhean Croise

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Dzindzimo 119:13

Nyi ngu sawutela khu likana langu silayelo satshavbo esi u nyi embedego.

Isaya 21:10

Enu vathu vangu, mu vbudwego kha nga tirigu vbagithalatunu! Eni nyi ngu mi embela esi nyi embedwego khu Pfhumu Nungungulu nya Tshivba Yatshavbo, Nungungulu wa Israyeli.

Isaya 42:20

Uwe u ngu wona silo nya singi, aholu khu si vegedzi; ambari wa gu tula dzindzeve dzago, khu yingisi gilo.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.

Isaya 42:9

Wonani nya gukhenu siwoniso nya guhegule si giregide, olu nyi ngu mi tivisa silo nya siphya, nyi ngu si tivisa gwanu, na si si gu vbohi.

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Isaya 48:7

Silo sesi si ngari gu girega kamwe olu, khandri sa gale; u si gupwi gilo khiso kala na muhuno, gasi u si ganeli, khuwe: Nyi di gu siti.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Mikeya 6:9

Lito la Pfhumu Nungungulu li ngu huwelela ga lidhoropa; uye a gengedego a ngu thava lina laye. Upwani lipitso ni uye a li rumedego.

Matewu 10:27

Iso nyi mi embelago mugidemani, si tiviseni safani nya mihani; niso muyago khu gu lembedwa, si pwadzeni khu vbatshani nya dzinyumba.

Johane 15:15

Kha nyi mi rani gambe sithumi, kholu githumi kha gi siti iso si girwago khu pfhumu yaye; nya gu mi rana dzipari dzangu, kholu nyi mi tiviside satshavbo nyi nga si pwago ga Babe wangu.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

Gutuledwa 1:19

Khu kharato, lova iso u nga si wona: Iso si guromo olu, niso si na gu giregago hwane nya esi.

Gutuledwa 4:1

Hwane nya silo sesi, nyi di tula maho, nyi wona lidimba na li tudwe Ndzadzini: Lito nya guphele nyi nga lipwago na li ganela gwangu, kha nga pundru, li di, khilo: “Lita uta eno, gasi nyi gu yeyedze iso si na giregago hwane nya esi:”