Isaya 48:21 - Bhibhiliya Nya Guage

²¹ Gima kha va ngapwa lidora, avbo a nga bani a gu gimbila navo musiwulani, kholu a di va dusela mati khu mugiwindrini; a di pandra giwindri, gu goga mati.

Isaya 48:21 Iomraidhean Croise

Nehemiya 9:15

U va ningide guhodza gwa ndzadzini, gikhati va ngapwa ndzala, gikhati va ngapwa lidora, U di va sedza mati nya guduge khu giwindrini gasi gu tshima lidora. U va leletede gubela ga litigo U sambanyidego gu va ninga.

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Dzindzimo 105:41

A di pandra giwindri nya gutiye gu duga mati, ma khulunga giwulani kha nga tsongo.

Dzindzimo 74:15

Uwe u tude sifefe ni mitsongo, u bangisa mitsongo nya yikhongolo.

Dzindzimo 78:15

A di pandra siwindri mugiwulani, gu goga mati a va sedza khu mati nya gudugele guetani.

Dzindzimo 78:16

A di pola sifefe umo nya siwindri, gu goga mati kha nga mitsongo.

Dzindzimo 78:20

Lisine, Nungungulu pandride siwindri, gu goga mati nya mangi kha nga tsongo, aholu, a na dzi kodza gambe gu hi ninga guhodza, ni gu ninga nyama vathu vaye, gani?”

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Isaya 30:25

Khu litshigu lolo nya gusasedwe nya gukhongolo ga valala, gu na manega vbatshani nya sigomo satshavbo nya gulaphe mitsongo ni sitsongwana nya mati khulungago, avbo gu na gu thegago makhokhola.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Mitengo 20:11

Mosi a di khusa mandza yaye a veta giwindri nyondro mbili khu ndronga yaye. Khavbo avbo, ma di duga mati nya mangi; tshangano wu di sela gumogo ni sifuyo sawe.