Isaya 48:2 - Bhibhiliya Nya Guage

² Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Isaya 48:2 Iomraidhean Croise

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Nehemiya 11:18

Vatshavbo va na Levhi va nga bani va gu vbanya Jerusalema lidhoropa nya gukatege, va diri mazana mavili ni livbandre na mararu magumi na vana (248).

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 87:3

Uwe lidhoropa la Nungungulu, si ngu tsakisa iso vathu va ganelago, khu gu gu zundza.

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 21:2

“Hi ngu lomba gukhethu u hi wudzisela ga Pfhumu Nungungulu, kholu Nabhukodhonosori, mufumeli wa Bhabhiloni, a ngu soma nyimbi a hi sasela, mwendro saye Pfhumu Nungungulu a na hi girela siliwugiso gasi nala a khuge vbakari gwathu.”

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Matewu 27:53

na va dugide khu marowoni, hwane nya gu bani a wugide Jesu, va di bela dhoropani nya gukatege, va wonega ga va nya gutala.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Varoma 2:17

Uwe wari khuwe u Mujudha, u themba Nayo, u dzi gira matshandza khu guti Nungungulu.

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Gutuledwa 22:19

A gu kala muthu a vbungula magana nya wuprofeti nya libhuku leli, Nungungulu a na dusa gipandre gyaye simboni nya womi ni Dhoropani nya Guage, si tiviswago libhukuni momu.

Valamuli 17:13

Khavbo avbo, Mika a di khuye: “Olu nyi ngu dziti nya gukheni Pfhumu Nungungulu a na nyi girela silo nya sadi, kholu nyi gu ni muphasi nya mhamba nya Mulevhi.”