Isaya 48:18 - Bhibhiliya Nya Guage

¹⁸ Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 48:18 Iomraidhean Croise

Dzindzimo 119:165

Avo va golago nayo wago va gu vbanya gurulani nya gukhongolo; gimwalo gi va khunguvanyisago.

Dzindzimo 36:8

Avo va ngupwa gukhura khu manonwa ya nyumbani gwago, u va sedza mati nya gutshambe ya namboni gwago.

Isaya 33:21

Kholu Pfhumu Nungungulu a na bani nari umo khu wudhumo waye, umo gu na khulunga mitsongo nya guaname, gu na goga mitsongo ni sitsongwana nya guaname; yi mwalo ngalava nya makasiya yi na vbindrago khumo, ambari ni litaro nya likhongolo, gima kha li na vbindra khumo.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 66:12

Kholu Pfhumu Nungungulu a ngu ganela kharati, khuye: Wonani nya gukhenu nyi na mi resela gurula nya gungi, nya gukhwatshi tsongo wu khulungago, gumogo ni thomba nya mayigo, gukhwatshi gitsongwana gi gogago. Khavbo avbo, mu na mama, va mi wugarela mawogoni, va mi ladzisa vbamarumbitunu gwawe.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.