Isaya 48:16 - Bhibhiliya Nya Guage

¹⁶ Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Isaya 48:16 Iomraidhean Croise

Isaya 34:1

Hidzimelani enu mayigo, gasi mu yingise, ni enu vathu yingisani! Mafu ni satshavbo si guromo umo si na yingise, litigo ni satshavbo si dugelago umo.

Isaya 41:1

Degulani mbeli gwangu, enu vathu mu vbanyago sidwani. Enu mayigo, wusedzani tshivba yanu! Hidzimelani vbafuvbi gasi mu ganela; hatshavbothu hi naya ema phathani.

Isaya 43:13

Gukhugela matshigu ya gale, Eni nyi diri Eni; mwalo ni moyo a kodzago guvbulugisa muthu mandzani gwangu; igyo nyi girago, mwalo a nyi himbedzelago.

Isaya 45:19

Kha nya ganela gusihalani, mwendro wulangani nya gidema; kha nya embela gitugulwana gya Jakobe, kheni: Nyi vbweteni mahala; Eni Pfhumu Nungungulu, nya gu ganela lisine, ni gu tivisa iso si lulamidego.

Isaya 57:3

Aholu hidzimelani avba, enu sanana nya valoyi, enu livelego nya sibhayi ni maphuphulu.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Johane 18:20

Jesu a di mu hakha, khuye: “Nyi ganede tigoni nyamba siha gilo; nyi hevbudzide gikhati gyatshavbo ndrani nya Nyumba nya nombelo ni Nyumbani ya Nungungulu, umo va tshanganelago umo Vajudha vatshavbo, gimwalo nyi nga ganelago khu gisihaledza.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.