Isaya 48:11 - Bhibhiliya Nya Guage

¹¹ Khu kotani nya lihaladzo nya lina langu, khu kotani nya lihaladzo langu, kholu nyi na dzumela kharini gukheni lina langu li nyenyeziswa? Kholu kha nyi dzi kodzi gu ningela wudhumo wangu ga mumbe muthu.

Isaya 48:11 Iomraidhean Croise

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 115:1

U nga zundzi ethu, Pfhumu Nungungulu, u nga zundzi ethu, aholu dhumisa lina lago, khu kotani nya lihaladzo lago, ni gutumbega gwago.

Dzindzimo 25:11

Pfhumu Nungungulu, khu kotani nya lina lago, tsetselela giwono gyangu; kholu gikhongolo ngudzu.

Dzindzimo 25:7

U nga alakanyi sihoso sangu, ambari sighoho nyi giridego wudzahani wangu. Nyi dundruge khu lihaladzo lago, khu kotani nya wuwadi wago Pfhumu Nungungulu.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 48:5

Khu guralo, nyi gu tiviside khu gale silo sesi, nyi gu pwadzede na si si gu dugeleli, gasi u si ganeli, khuwe: Gifananiso nya nungungulu wangu, khigyo gi giridego silo sesi; mwendro gukhuwe: Gifananiso nya simbo nyi nga vatago, mwendro nyi nga wumbago, khigyo gi giridego si dugelela silo sesi.

Isaya 48:9

Aholu khu kotani nya lina langu, nyi na timisela, khu kotani nya wudhumo wangu, nyi na dzi phara, gasi u si mbembiswi.

Isaya 52:5

Olu avba ginani nyi na girago? A ngu wudzisa Pfhumu Nungungulu, olu vathu vangu va modwego vbavbandze nya nandru? Avo va va fumelago va gu va hembulula, a ngu ganela Pfhumu Nungungulu; lina langu la gu vadwa khu litshigu ni litshigu.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Ezekiyeli 20:22

Aholu kha nya si gira, nyi di neredza mandza yangu, khu kotani nya lihaladzo nya lina langu, gasi nyi si li nyenyezisi ga mayigo ma nyi wonidego na nyi gu va dusa khu tigoni ga Egipito.

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Ezekiyeli 20:44

Mu na nyiti gukhenu Eni kheni Pfhumu Nungungulu, gikhati nyi mi girelago esi khu lihaladzo nya lina langu, nasiri khu gugola dzindzila dzanu nya guvivbe, mithumo yanu nya gunyenyeze, ni mithumo yanu nya wukanganyisi, enu va na Israyeli; a ngu ganela Mune Pfhumu Nungungulu.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Ezekiyeli 36:22

Khu guralo, ganela ga va na Israyeli, khuwe: Mune Pfhumu Nungungulu, a ngu ganela kharati, khuye: Khandri khu kotani gwanu enu va na Israyeli, nyi na girago silo sesi, aholu khu kotani nya lina langu nya guage, mu li nyenyezisidego vbakari nya mayigo mu vbindridego khumo.

Dhaniyeli 9:17

Gasi olu, uwe Nungungulu wathu, hakha nombelo wa githumi gyago u yingisa gulila gwangu. Khu lihaladzo lago Pfhumu, wona khu maho nya wuhindzi nyumba yago nya miphaso yi digidwego.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Varoma 2:24

Khidzo kharati, Milowo nya Guage, yi gu, khiyo: “Lina la Nungungulu li ngu vadwa vbakari nya va nya mayigo khu kotani yanu.”

1 Samuweli 12:22

Kholu, khu kotani nya lina laye nya likhongolo, Pfhumu Nungungulu, kha na dzudzuga vathu vaye, kholu si nengedziside Pfhumu Nungungulu, gu mi hathani mu khala vathu vaye.