Isaya 48:1 - Bhibhiliya Nya Guage

¹ Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Isaya 48:1 Iomraidhean Croise

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Genesi 35:10

A ganela, khuye: “Uwe khuwe Jakobe, aholu, gukhugela olu, lina lago u na ranwa pwani khuwe Israyeli. Nungungulu a di mu riya kharati lina la Israyeli.

2 Dzipfhumu 17:34

Kala na muhuno va nga gu landrisa sihena nya tumbunugo wawe nya guphele; kha va thavi Pfhumu Nungungulu, ambari gu landrisa sileletelo saye, kha nga idzo a rumago khidzo, ni Nayo oyu Pfhumu Nungungulu a nga ningago sanana sa Jakobe, uye a nga mu thangisa lina la Israyeli.

2 Dzipfhumu 5:20

Geyazi githumi gya Elizewu, muthu wa Nungungulu, a di ganela, khuye: “Nga wonani, mune wangu bombide gu hakha khu mandzani ga Musiriya yoyu, gimwegyo nya iso a ngatago naso; nyi ngu sambanya khu Pfhumu Nungungulu a vbanyago, kheni: Nyi na tutuma nyi mu landra, nyi ya dzega gimwegyo nya esi a gu naso.”

Dzindzimo 63:11

Mufumeli nya litigo a na nengele ga Nungungulu; uye a sambanyago linani ga Nungungulu a na nengela, aholu avo va liphago va na segwa magana.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 68:26

Enu mwatshavbo rungudzani Nungungulu, Tshangano watshavbo wa Israyeli rungudzani Pfhumu Nungungulu.

Dzindzimo 68:27

Mbeli gu thangide Bhejami, nyumba nya yidugwane ga Israyeli, gu landrela dzindruna dza Judha ni gikwata gyawe, khu hwane guta dzindruna dza Zebhuloni ni dza Nafitali.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Mavingu 5:16

Ina u na diga mati yago ma vbalagela vbavbandze ni sitsongwana sago si goga dzindzilani, gani?

Isaya 26:13

Ama Pfhumu Nungungulu wathu, hi diri ni vambe vafumeli va hi fumedego, aholu khu kotani nya tshivba yago, ethu hi ngu rungudza lina lago.

Isaya 44:5

Moyo a na ganela, khuye: Eni nyi wa Pfhumu Nungungulu; mumbe a na dzi riya lina la Jakobe; mumbe a na lova mandzani gwaye, khuye: Eni nyi wa Pfhumu Nungungulu, limbe lina, a dzi rana khuye kheni Israyeli.”

Isaya 45:23

Eni nyi sambanyide nyabune; khu kanani gwangu gu di duga esi nya gululame, ni magana yangu kha ma na bwelela hwane, mazolo yatshavbo ma na khidzima mbeli gwangu, ni malimi yatshavbo ma na sambanya khu eni.

Isaya 46:12

Nyi yingiseni enu vathu nya gubange mihungo, mu guromo hwindzo ni gululama.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Isaya 51:2

wonani babe wanu Abrahama ni Sara, a gu uye a mi velegidego; kholu khuye basi nyi mu ranidego bwelo khavbo nyi mu kategisa ni gu andrisa livelego laye.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Mikeya 2:7

Enu mu gu situgulwana sa Jakobe, ina Liphuvbo la Pfhumu Nungungulu li ngu vbiredza gu goroga, gani? Ina khayo aya mathumelo yaye, gani? Ina magana yangu ma ngu gira wuwadi ga wule a gimbilago khu ndzila nya gululame, gani?

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Zakariya 5:3

Khavbo avbo, yi di nyi embela, khiyo: “Egi khu givalo gi na dugago tigoni gwatshavbo; kholu ni wevbini muthu a gu mbafa a na tutumiswa tigoni khu tshivba nya givalo gyogyo, kharato gambe muthu watshavbo a sambanyago malipha khu lina langu, a na rinywa khigyo vbavbandze.”

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Mitengo 24:7

Khu sifefeni gwawe gu na khulunga mati, ni wulime wawe wu na naganiswa khu mati nya gutale. Mufumeli wawe a na khusega guvbindra Agagi, ni mufumo waye wu na bani wuri ni tshivba.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

Johane 4:24

Nungungulu Liphuvbo, khu kharato, vakhozeli vaye gu vbwetega va mu khozela khu Liphuvbo ni lisine.”

Varoma 2:17

Uwe wari khuwe u Mujudha, u themba Nayo, u dzi gira matshandza khu guti Nungungulu.

Varoma 9:6

Ambari ulo, khandri gupwani gitumbiso gya Nungungulu gi tandregide. Kholu, khandri satshavbo sanana nya melego wa Israyeli si gu libandla la Nungungulu.

Varoma 9:8

Esi sa gu yeyedza gupwani: Khandri sanana sa Nungungulu esi si velegwago khu tumbunugo nya wuthu; aholu, vale va velegwago khu tshivba nya gisambanyo, khavo basi va thudwago sanana saye nya lisine.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 33:28

Khu guralo, Israyeli a na khala na tiyide, ni nambo wa Jakobe wu na khadzisega, tigoni nya tirigu ni vbinyu, gu thegago thondrwane khu damboni.

Dhewuteronome 5:28

Avbo Pfhumu Nungungulu, a ngapwago magana yanu mu nga bani mu ganela gwangu, Pfhumu a di nyi embela, khuye: Eni nyi yingiside magana ya vathu vava, ayo va gu embedego; va ganede gwadi satshavbo.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

Gutuledwa 2:9

Nyi ngu guti gutshaniseka gwago ni wusiwana wago, (aholu u fumide.) Nyi ngu dziti gambe edzi va gu nyenyago khidzo vale va dzi ranago Vajudha vasiri avo, kholu avo tsawa nya valandreli va Sathane basi.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.