Isaya 47:8 - Bhibhiliya Nya Guage

⁸ Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Isaya 47:8 Iomraidhean Croise

Isaya 14:14

Nyi na khugega nyi vbindra ni mapfhi, nyi fanana ni oyu a Khusegidego Ngudzu.

Isaya 32:11

Ndrendremelani enu vanyamayi mu dzipwago na mu khadzisegide; tshulani guambala gwanu, mu khala wumbwiri, mu ambala dzisaku siwununi gwanu.

Isaya 32:9

Enu vanyamayi mu dzipwago na mu khadzisegide, khugani mu ema mu yingisa lito langu! Enu vanyamahegyane nya gukhadzisege, tulani dzindzeve mu yingisa esi nyi vbwetago gu mi embela!

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 45:5

Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Isaya 45:6

gasi gukhugela Khugadambo kala Muhwadambo, vatshavbo va dziti gukhavo mwalo mumbe vbavbandze gwangu. Eni kheni Pfhumu Nungungulu, mwalo mumbe.

Isaya 47:10

Kholu u di tumba wuvivbi wago, u ganela, khuwe: “Mwalo a nyi wonago!” Wugengeli ni guti gwago, khiso si na gu dzimedzago, kholu u di ganela khu monyoni gwago, khuwe: “Eni kheni, vbavbandze gwangu, mwalo mumbe muthu.

Jeremiya 49:31

Khugani mu eme, indrani mu ya dwana ni litigo li guromo gurulani, li vbanyago khu gu dzi tumba a ngu ganela Pfhumu Nungungulu; li gu mwalo malimba, ambari sikwinyaro, li khadego tendrelani nyamba tshirwa khu gilo.

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 30:9

Ga litshigu lolo, nyi na rumela sirumwa khu mataro, gasi guya thusa Etiyopiya, a dzipwago na khade gurulani; wuvi wu na manega gwawe, kha nga litshigu nya gulamudwe Egipito, kholu khu lisine litshigu lolo li na vboha.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 4:22

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Dhaniyeli 4:4

Khavbo avbo, gu dita dzinyanga, va nya sikwembu, Vakalidhiya ni valoli nya dzisolo, nyita va tivisa ndroro yangu, aholu avo kha va kodza gu nyi ninga tshamuselo yaye.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

Nahume 3:4

satshavbo sesi, sa gu girwa khu kotani ya Ninivha khu sighoho saye nya singi; liphuphulu leli nya wumburi, nya gugengele khu wuloyi, uye a rengisago mayigo khu wubhayi waye, ni mahundzu nya vathu, khu wuloyi waye.

Habhakuka 1:7

Vathu nya guthise va thelago hwanga, va gu gira ni sevbini va si golago.

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

Valamuli 18:27

Va na Dhani va di dzega iso si nga bani si giridwe khu Mika ni muphasi nya mhamba waye, va hongola Layisi, ga vathu nya gurule ni gu tumbega. Va diya va sasela khu matshari, va vbisa lidhoropa khu nilo.

Valamuli 18:7

Khavbo avbo, vama vale nya livbandre va di hongola kala vaya vboha Layisi, va diya wona nya gukhavo vathu va vbanyago ga ilo va khadzisegide gwadi va mwalo sigaradzo, mayelano khu mavbanyelo nya Vasidhoni, na va tengide ni gu tumbana; tigoni mule gwawe, gu di bani gu ngari mwalo mufumeli nya gu va fumele ambari gu va tshanisa guvbanyani gwawe. Va di guvbanya venga, gu diri mwalo limbe lihundzu li nga bani li va thurugisela.