Isaya 47:7 - Bhibhiliya Nya Guage

⁷ U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Isaya 47:7 Iomraidhean Croise

Ekisodha 7:23

Aholu, Faro a di thendregedza a va pfhurarela a gu bela nyumbani gwaye; nyamba thela kota khiso.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Isaya 57:1

Muthu nya gululame a ngu fa, gambe mwalo a pimisago khu isoso monyoni gwaye, ni muthu nya gutumbege a ngu duswa, vathu va si dziti gukhavo va nya gululama, va gu vbiredzela gu duswa li si gu vbohi libango.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 7:2

“Uwe mwamana wa muthu, indra u ya ganela kharati ga va na Israyeli, khuwe: Mune Pfhumu Nungungulu wari khuye gikhati gyanu nya mahegiso gi ngu vboha; ma ngu vboha mahegiso nya dzikhona dza dzina nya litigo la Israyeli.

Dhaniyeli 4:29

Uwe u na lundrwa vbakari nya vathu, u ya vbanya gumogo ni sirengo sa khabini, u na hodza mwasi nga sirengo sa khabini gipimo nya livbandre na sivili sikhati, kala u pima nya gukhuwe uye a Khusegidego ngudzu, a ngu fuma mifumo nya vathu ni gu wu dzega a ningela uye a mu golago.

Dhaniyeli 4:4

Khavbo avbo, gu dita dzinyanga, va nya sikwembu, Vakalidhiya ni valoli nya dzisolo, nyita va tivisa ndroro yangu, aholu avo kha va kodza gu nyi ninga tshamuselo yaye.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’