Isaya 47:6 - Bhibhiliya Nya Guage

⁶ Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 47:6 Iomraidhean Croise

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

2 Dzikoronika 10:11

Babe wangu a gu bani a mi rwegide nyandra nya gulemele, eni nyi nga na gu mi engedzela nyandra nya gulemele nya guvbindre yile; babe wangu a di mi tsayisa khu gu mi kwamula, eni nyi na mi tsayisa khu dzihume.

2 Dzikoronika 28:9

Aholu gu diromo vbale moyo nya muprofeti wa Pfhumu Nungungulu, a nga bani a ranwa gupwani khu Obhedhi, uye a di khinga masotshwa ma nga bani ma wuya khu nyimbitunu ma hongola Samariya, a ya ma embela, khuye: “Pfhumu Nungungulu wa vababe vanu, a gorogede va na Judha, a va ningela mandzani gwanu, aholu enu mu di va songetela khu giviti nya gikhongolo ngudzu, gi nga pwala ndzadzini.

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

2 Dzikoronika 36:20

Avo va nga vbulugago gu songwa khu matshari, a di va dzega kha nga sibotshwa a hongola navo Bhabhiloni; a ya va gira dzikhumbi dzaye ni dza sanana saye, kala gikhati nya mufumo wa Vaperezi.

Ezira 5:12

Aholu vababe vathu va di gorosa Nungungulu wa ndzadzini, uye a di va ningela mandzani ga Nabhukodhonosori, mufumeli wa Bhabhiloni, Mukalidhewu, avbo uye a nga pfhungumulago nyumba yeyi, a vbagela vathu vaye va hongola Bhabhiloni.

Dzindzimo 69:26

Kholu va gu tshanisa muthu u mu bayisidego, va engedzela wuvi wa oyu u mu tsayisidego.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 13:16

Sanana sawe sa beleni si na pfareledwa mbeli gwawe, dzindranga dzawe dzi na phangwa, vagadzi vawe, va na pfinywa va sagaredwa.

Isaya 14:17

A nga bani a gira litigo li khala giwula, madhoropa ma khala marumbi, a nga bani a si tshuli dzikhumbi dzaye dzi bwelela magaya gwawe, gani?

Isaya 14:6

Yile yi nga bani yi veta vathu khu dzihanyi, a va thela dzimbanga nyamba vbola, a fumela mayigo khu gigaha, a va tshanisa nyamba himbedzedwa khu muthu.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Jeremiya 50:42

na va dongide wulaho ni sighalala; na vari ni gigaha nyamba tsetsa muthu, ligwaha lawe li na fanana ni gudzuma nya linene, va na khilela dzikavalu va fola khu dhiliza gasi guta dwana nago, uwe lidhoropa la Bhabhiloni.

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 4:16

Pfhumu Nungungulu uye abune a va phalalegiside kha theli gambe kota khavo. Vaphasi nya mhamba va nga ningwi gambe githawo ambari sikhosane si nga pwedwi gisiro. Ayimi

Gililo 5:12

Vathangeli va hungidwe mawogo va vbayegwa; ni vakhongolo nya vathu kha va nga gu ningwa githawo.

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 28:16

Guandrani nya wugwewo wago, monyo wago wu di taledwa khu dzihanyi u ghoha. Khu kotani nya isoso, nyi na gu dzudzuga na wu nyenyezide, hwindzo ni gigomo gya Nungungulu, nyi na gu mbembisa vbakari nya siwindri nya gukhedzige, uwe likerubhimi nya muvhikeli.

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Obhadhiya 1:16

Kholu, gikombe mu nga sela khigyo gigomoni gwangu nya gukatege, kharato nugo ma na sela khigyo mayigo yatshavbo; va na sela ni giminya gukhwatshi gu diri mwalo gilo.

Zakariya 1:12

Khavbo avbo, ngilozi ya Pfhumu Nungungulu, yi di wudzisa, khiyo: “Ama Pfhumu Nungungulu nya Tshivba Yatshavbo, u na kala lini nu si pweli wusiwana Jerusalema ni madhoropa yatshavbo ya Judha u ma tshanisago khu likhulo lago ndrani nya gipandre gegi nya livbandre na mavili magumi (70) myaga?”

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Dhewuteronome 28:50

mufumo nya dzihanyi ni khovbe nya guvivbe nyamba pwela gisiro gikhosane ambari gu tsetsa sanana!

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.