Isaya 47:4 - Bhibhiliya Nya Guage

⁴ Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 47:4 Iomraidhean Croise

Dzindzimo 19:14

Magana yangu ma na gu tsakise, ni mahingigedzo ya monyoni gwangu ma na vbohe mbeli gwago, Pfhumu Nungungulu, muvhikeli ni muvbanyisi wangu.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 43:14

Pfhumu Nungungulu, mutshudzisi wago, Nyaguage wa Israyeli, a ngu ganela kharati, khuye: “Khu kotani nya lihaladzo nyi gu nalo khu enu, nyi na rumela mabutho guya sasela Bhabhiloni, Vakalidhiya vatshavbo, va na tutuma khu mataro yawe va nga bani va dzi zundza khayo.

Isaya 43:15

Eni kheni Pfhumu, Gihathwa gyanu, Muvangi wa Israyeli, ni Mufumeli wanu.

Isaya 43:3

Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Jeremiya 31:11

Kholu Pfhumu Nungungulu dzegiside Jakobe ni gu mu vbulugisa mandzani ga wule a nga bani ari ni tshivba guvbindra uye.

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!