Isaya 47:1 - Bhibhiliya Nya Guage

¹ Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Isaya 47:1 Iomraidhean Croise

Joba 2:13

Va di khala naye vbavbatshi va mu bangaladza livbandre na mavili matshigu, wutshigu ni mihani na va si ganeli gilo naye, kholu va di gusaniseka ngudzu.

Joba 2:8

Khavbo avbo, Joba a diya khala vbatalatunu a vbweta gindzengele a dzi tshuvela khigyo.

Dzindzimo 137:8

Nyamahegyane wa Bhabhiloni u na khungumudwago, kategide oyu a na gu tsayisago a gu bweledzela guvivba gwatshavbo u hi giredego.

Dzindzimo 18:27

Kholu uwe wa gu vbanyisa sisiwana u tshisa vbavbatshi va nya matshandza.

Dzindzimo 89:44

U tshipiside wudhumo waye, u thesa vbavbatshi gikhalo gyaye nya wufumu.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 21:1

Aya khu mahungu nya giwula gya vbafuvbi ni yiphwa: Kholu, kha nga phuvbo nya gingulu ni gipupwane sitago khu Marandzi, si vbiyelago satshavbo, musaseli a nata khu giwulani, litigo nya guthise.

Isaya 23:12

Ganede, khuye: “Gima khu na ndragandraga gambe khu gutsaka uwe nyamahegyane wa Sidhoni; uwe likendzi u na tshaniswago, khuga u tshatugela tigoni ga Kipre, ambari iyoyo gambe khu na ngaya mana gurula.”

Isaya 26:5

Kholu a ngu thesa avo va vbanyago malangani nya gukhugege, ni gu thesa vbavbatshi lidhoropa li dzi khusedzago, a pfhungumula lidhoropa lawe, a li thesa vbavbatshi li khala kudzudzwane.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Isaya 52:2

Khuga u ema u dzi phuphutha kudzudzwane, u khala vbagikhalotunu gwago, uwe Jerusalema. Tshula makhetshe ma guromo thamoni gwago, uwe nyamahegyane nya khumbi ya Siyoni!

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 46:11

Gwela Gileyadhi, uwe likendzi, nya nyamahegyane wa Egipito, u naya mana umo mafura nya gutole; wa gu dzi garadza khu gu vbweta mirendre nya gutale; gambe kha yi na gu hawulugisa.

Jeremiya 48:18

Tshiga khu vbagikhalotunu gwago nya wudhumo, u khala mafuni nya gihala, uwe nyamahegyane u vbahidego tigoni ga Dhibhoni, kholu musaseli wa Mowabhi a ngu hidzimela avbo gwago guta gu dhumela ni gu khungumula makhokhola yago.

Jeremiya 50:1

Aya khu magana Pfhumu Nungungulu a ma ganedego khu ga muprofeti Jeremiya mayelano khu Bhabhiloni ni litigo la Vakalidhiya a nga khuye:

Jeremiya 50:42

na va dongide wulaho ni sighalala; na vari ni gigaha nyamba tsetsa muthu, ligwaha lawe li na fanana ni gudzuma nya linene, va na khilela dzikavalu va fola khu dhiliza gasi guta dwana nago, uwe lidhoropa la Bhabhiloni.

Jeremiya 51:1

Pfhumu Nungungulu a ngu ganela kharati, khuye: Wonani nya gukhenu nyi na rumela liphuvbo nya gu sasele li ta sasela litigo la Bhabhiloni, gumogo ni vavbanyi vaye.

Jeremiya 51:33

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyamahegyane wa Bhabhiloni womo kha nga githala avbo nya gikhati nya guvbwere, gu tshade vbadugwana, gi na vboha gikhati nya guvbule.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Gililo 4:5

Avo va nga bani va hodza mafura, va gu thega dzindzilani khu ndzala. Avo va nga dandriswa khu dzingandzu nya siwunguwungu, olu va gu galagasela matalani. Vau

Ezekiyeli 26:16

Khu guralo, vafumeli vatshavbo va bambe nya yiphwa, va na tshiga khu vbasikhalotunu gwawe nya wufumu, va na funungula sifenengelo sawe, va tshula dzingandzu dzawe nya mavalavala; va na taledwa khu hwanga, va khala vbavbatshi na va ndrendremela gikhati gyatshavbo; khu kotani yago, va na thuruga.

Ezekiyeli 28:17

Monyo wago wu khade matshandza khu kotani nya gumbure gwago, u dzudzuga guti gwago khu kotani nya gungangamele gwago, khu guralo, nyi gu dzudzugide mafuni, nyi gu gira gihegiso mbeli ga vafumeli, gasi va fela gu gu wona.

Jona 3:6

Mahungu yaya ma di vboha dzindzeveni ga mufumeli wa Ninivha; uye a di khuga khu vbagikhalotunu gwaye nya wufumu, a tshula dzingandzu nya wufumu, a ambala dzisaku, a puluwundra ngumani.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 2:7

Yingisa, uwe Siyoni! Thavani enu mu vbanyago Bhabhiloni.

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’