Isaya 45:5 - Bhibhiliya Nya Guage

⁵ Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Isaya 45:5 Iomraidhean Croise

1 Dzipfhumu 8:60

Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Joba 12:18

A ngu phalalegisa tshivba nya vafumeli, a va hunga giwunu khu makhetshe.

Joba 12:21

A ngu thela dzitshoni vathangeli, a vbedza tshivba nya sitetema.

Dzindzimo 18:31

Khu mani a gu Nungungulu vbavbandze ga Pfhumu Nungungulu, basi? Khu mani muvhikeli, vbavbandze ga Nungungulu wathu?

Dzindzimo 18:32

Uye khuye Nungungulu a nyi ambagisago tshivba, khuye a lulamisago ndzila yangu.

Dzindzimo 18:33

Khuye a vbevbugisago mawundru yangu ma fanana ni aya nya yisya, a nyi tiyisa vbatshani nya sigomo sangu.

Dzindzimo 18:39

U nyi ambagiside tshivba nya guye dwana nyimbi u nogisa valala vangu va khoza gwangu.

Dzindzimo 86:10

Kholu khuwe basi u gu Nungungulu, u gu khongolo, u girago siliwugiso!

Ekisodha 9:14

Kholu gikhati gegi nyi na rumela mitungu yangu yatshavbo gwago ni ga sithumi sago ni ga vathu va tigoni gwago gasi u dziti gukhuwe mwalo mumbe nya gufanane ni eni mafuni gwatshavbo.

Isaya 22:21

Nyi na mu ambagisa ngandzu yago nya wuzundzo, nyi mu tiyisa khu libhandri lago, nyi na ninga tshivba wufumu waye. A na khala babe ga vavbanyi va Jerusalema ni ga nyumba ya Judha.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Isaya 43:10

“Enu mu dzifakazi dzangu, a ngu ganela Pfhumu Nungungulu,” nyi gu hathide gasi u khala githumi gyangu; gasi u dziti, u khodwa ni gu pima gukhenu eni kheni kamwe, khu hwane gwangu mwalo mumbe Nungungulu a na manegago, khu mbeli gwangu, kha na manega mumbe.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 45:6

gasi gukhugela Khugadambo kala Muhwadambo, vatshavbo va dziti gukhavo mwalo mumbe vbavbandze gwangu. Eni kheni Pfhumu Nungungulu, mwalo mumbe.

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Ezekiyeli 30:24

Nyi na ninga tshivba mufumeli wa Bhabhiloni, nyi mu pharisa mandzani litshari langu; aholu nyi na fanya mawogo ya Faro, uye a na dilela khu wuvi nya gupadwe, kha nga muthu a thegago khu gu songwa.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Johane 1:1

Guhegulani li diromo Lito. Lito li diri ni Nungungulu; gambe Lito li diri Nungungulu.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.