Isaya 45:3 - Bhibhiliya Nya Guage

³ Nyi na gu ninga gyuma gi sihidwego ni thomba yi fenengedzidwego malangani nya gusihale, gasi u kodza gu dziti gukhuwe eni, kheni Pfhumu Nungungulu wa Israyeli, a gu ranago khu lina lago.

Isaya 45:3 Iomraidhean Croise

2 Dzikoronika 6:17

Gasi, olu gambe, Pfhumu Nungungulu wa Israyeli, tadzisa gambe magana yago U ma ganedego ga githumi gyago Dhavhidhe.

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Ekisodha 33:12

Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu.

Ekisodha 33:17

Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”

Isaya 41:23

Hi embeleni ginani gi na gu giregago mindru ga litshigu, gasi hi kodze gu dziti gukhethu khenu vanungungulu; girani gilo nya gyadi mwendro nya guvivbe, gasi hatshavbo hi si wone, hi liwuga.

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 48:15

Kheni kamwe nyi ganedego; gambe nyi mu ranide, nyi mu reside, gambe nyi na mu andrisa ndzilani gwaye.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Jeremiya 41:8

Vbakari nya vama vale, gu manegide likhumi nya avo va nga lomba ga Ismayeli, khavo: “U nga hi songi, kholu, hi na ni tirigu, mala, mafura ni wulombe, hi sihidego khabini.” Khu guralo, kha va songwa gilo, va di digwa gumogo ni vakwawe.

Jeremiya 50:26

Mu rangeni khu maphuvbo yatshavbo nya mahegiso nya litigo, mu tula sisangala saye, mu dusela silo saye satshavbo si khala dzinyandra, mu pfhungumula litigo laye latshavbo nyamba mu tshiyela ni moyo.

Jeremiya 50:37

Matshari ma na sasela dzikavalu, gumogo ni dzikareta dzawe ni ga valuveli vatshavbo va guromo vbakari gwawe, gasi va khala gukhwatshi vanyamayi! Matshari ma na sasela gambe dzithomba dzawe, dzi phangwa dzatshavbo.

Jeremiya 51:13

Uwe u khadego vbakari nya mitsongo nya mati nya mangi, u fumide khu dzithomba, gambe gu vbohide mahegiso gwago ni makolo yago ma vbede.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.