Isaya 45:1 - Bhibhiliya Nya Guage

¹ Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 45:1 Iomraidhean Croise

1 Dzipfhumu 19:15

Khavbo avbo, Pfhumu Nungungulu a di mu embela, khuye: “Gimbila gambe, bwelela khu ndzila ya giwulani, u hongola phuvbo ga Dhamasiko, nu vbohide iyoyo, u naya todza mafura Hazayeli a khala mufumeli wa Siriya.

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Joba 12:21

A ngu thela dzitshoni vathangeli, a vbedza tshivba nya sitetema.

Dzindzimo 73:23

Ambari khu guralo, eni nyi womo gumogo nago u nyi pharide khu libogo langu la nyamudye.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Isaya 41:2

Khu mani a wugidego khu Khagadambo, muthu nya tshivba a palago ni evbini a hongolago, na? A wuya a mu ninga mayigo ni gu khozisa vafumeli mbeli gwaye? Khu litshari laye, a di va vbindrugedza va khala kudzudzwane, khu wulaho waye, a va gira kha nga mavivi ma vbuvbiswago khu phuvbo?

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 44:28

Nyi na embela Kiro, kheni: “Uye khuye muhavisi wangu, a na landrisa satshavbo si nyi tsakisago; ga Jerusalema nyi na, kheni: U na vbahedzwa; ni ga Nyumba ya Nungungulu, kheni: Siseketelo sago si na vbahedzwa nyaluphye.”

Isaya 45:5

Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Isaya 48:15

Kheni kamwe nyi ganedego; gambe nyi mu ranide, nyi mu reside, gambe nyi na mu andrisa ndzilani gwaye.

Jeremiya 27:6

Olu eni nyi ningede mayigo yatshavbo yaya mandzani ga githumi gyangu Nabhukodhonosori, mufumeli wa Bhabhiloni; nyi mu ningide gambe ni sirengo sa khabini, gasi si mu thumela.

Jeremiya 43:10

U va embela, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na ranisa githumi gyangu Nabhukodhonosori, mufumeli wa Bhabhiloni, nyi nata emisa gikhalo nya wufumu waye vbatshani nya siwindri sesi si kembedwego avba, uye a na ghwimba tshatsha waye nya wufumu vbatshani nya siwindri sesi.

Jeremiya 50:3

Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 50:35

Vakalidhiya va na sasedwa khu matshari, a ngu ganela Pfhumu Nungungulu, ni vatshavbo vavbanyi va Bhabhiloni, vathangeli ni vagengeli vawe.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:58

Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”

Ezekiyeli 29:20

Eni nyi mu ningide Egipito gasi gu mu tshatshazela khu tshivba yaye, khu esi uye gumogo ni masotshwa yaye va nyi giredego. A ngu ganela Mune Pfhumu Nungungulu.

Dhaniyeli 5:6

Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Dhaniyeli 7:5

Nyi di simama gu khedza, nyi wona girengo nya wuvili nya gufanane ni Gikankanka, na gi emide khu phuvbo mwedo, kanani gwaye na gi hodzide dzimbambo dzitharu khu magwaha, gi di embedwa pwani: “Khuga u eme u hodza nyama nya gutale.”

Dhaniyeli 8:3

Nyi di khusa maho nyi khedza vbatshani, nyi wona hamba na yiri vbafuvbi ni tsongo; na yiri ni dzikheho dzimbili nya gulaphe, aholu mweyo yi di vbindra yikwawe khu gulapha, ambari ulo yi nga hegisela gu buga.

Dhaniyeli 8:4

Nyi di wona hamba yeyi na yi gu phandraphandra vbavbatshi yi pfuledza Muhwadambo, ni Wuronga ni Marandzi. Gi mwalo girengo gi nga bani gi hidzimela vbafuvbi gwaye, ambari ni moyo a nga bani a dzi kodza gu vbuluga tshivbani gwaye. Iyo yi di gira iso yi si golago, yi dzi dandrisa ngudzu.

Nahume 2:6

Malimba nya tsongo ma na tulega, ni dzinyumba nya wufumu, dzi na nyiviliga.

Nahume 3:13

Wona nya gukhuwe masotshwa yago ma na khala kha nga vanyamayi! Malimba ya tigoni gwago, yatshavbo ma na tuledwa valala vago, sikwinyaro sago si na vbiswa khu nilo.