Isaya 44:3 - Bhibhiliya Nya Guage

³ Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 44:3 Iomraidhean Croise

Joba 5:25

Gambe u na wona livelego lago li andra, vatugulu vago va fanana ni mwasi wa mafuni.

Dzindzimo 107:35

Giride giwula gi khala litsiva nya mati, ni mafu nya gubange a ma gira sibuga nya mati.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 27:3

Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 32:2

Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 41:17

Avo va tshaniswago ni vahamugi, va gu vbweta mati, kha va ma mani, malimi yawe ma bangide khu lidora; aholu, eni, Pfhumu Nungungulu wa Israyeli, nyi na yingisa nombelo wawe, gima kha nyi na va diga.

Isaya 48:19

ni livelego lago gambe li di hadza gutala li fanana ni mafu, ni vatugulu vago kha nga mafu nya fungo wa phwani; lina lawe gima kha li na fuviswa ambari gumbembiswa mbeli gwangu.

Isaya 48:21

Gima kha va ngapwa lidora, avbo a nga bani a gu gimbila navo musiwulani, kholu a di va dusela mati khu mugiwindrini; a di pandra giwindri, gu goga mati.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Isaya 61:9

Livelego lawe li na tidwa vbakari nya mayigo, ni situgulwana, si na tidwa vbakari nya mambe mafumbo. Vatshavbo va na va wonago, va na vati kha nga melego wu kategisidwego khu Pfhumu Nungungulu.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Ezekiyeli 36:27

Nyi na thela ndrani gwanu liphuvbo langu, nyi mi gira mu landrisa sileletelo sangu, mu vegedza milayo yangu ni gu yi landrisa.

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Ezekiyeli 47:8

Khavbo avbo, a di nyi embela, khuye: Mati yaya ma gu duga ma goga ma hongola phuvbo ga Khugadambo, ma relela kala kovani wa Joridhani, ma bela ga Yiphwa nya Gufe, ma guya vbaladza phwani, mati ya phwani ma na vbindrugedza ma khala mati nya gutshambe.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Joyele 3:1

Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 12:43

“Liphuvbo nya guvivbe la gu duga khu ga muthu la gu legalega ni giwula, li gimbila li guvbweta wulanga nya guhefemule, li wu hamuga.

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.