Isaya 44:1 - Bhibhiliya Nya Guage

¹ Gasi olu, yingisa uwe githumi gyangu Jakobe, uwe Israyeli nyi gu hathidego.

Isaya 44:1 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Dzindzimo 105:6

enu situgulwana sa Abrahama, githumi gyaye, ni enu sanana sa Jakobe, gihathwa gaye.

Dzindzimo 136:22

a li giride thomba ya Israyeli, githumi gyaye, kholu lihaladzo laye li ngu simama kala gupindruga;

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Isaya 41:9

uwe nyi gu dzegidego khu mahegiso nya litigo, nyi gu ranide khu dzikhonani gwaye dza hwindzo; nyi gu rana, kheni: “Uwe khuwe githumi gyangu, nyi gu hathidego, gima kha nyi na gu nyenya;

Isaya 42:23

Khu mani vbakari gwanu a na pwago silo sesi? A na pwago ni gu pima iso si na gu dugelelago ga matshigu ma nga gutago?

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Isaya 45:4

Khu kotani nya lihaladzo nyi gu nalo ni githumi gyangu Jakobe, ni Israyeli, gihathwa gyangu, nyi na gu rana khu lina lago, bwelo khavbo nyi gu ninga lina nya wuzundzo, ambari olu u si nyitigo.

Isaya 48:12

Jakobe, tula ndzeve u nyi yingisa, ni uwe Israyeli, nyi gu ranidego; Eni kheni kamwe, kheni nya guhegule, gambe kheni nya guhegise.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”